កូរ៉េខាងត្បូង៖ សម្តីពិតចេញពីមាត់របស់ កំពូលតារារ៉េបទោលស៊ិចស៊ី Jay Park ដោយថ្មីៗនេះ លោកបានធ្វើការកោតសរសើរយ៉ាងអស់ពីចិត្ត ចំពោះកំពូលក្រុមចម្រៀងបុរសរួមជំនាន់ BIGBANG ហើយក៏មានអ្នកគាំទ្រយ៉ាងច្រើន យល់ស្របជាមួយនឹងសម្តីរបស់លោកផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងថា កាលពីថ្ងៃទី២ ខែកុម្ភៈ ម្សិលមិញនេះ តារារ៉េបប្រុសលោក Jay Park បានធ្វើការសរសេរបង្ហោះ សាមួយនៅលើបណ្តាញសង្គម Twitter ដោយលោកជឿជាក់ថា BIGBANG គឺជាក្រុមចម្រៀងបុរសដ៏អស្ចារ្យបំផុត នៅក្នុងប្រវត្តិសាស្រ្ត Kpop ។
លើសពីនេះ លោកថែមទាំងបានលើកឡើង ពីទេពកោសល្យ អត្តចរិក បទចម្រៀងល្បីៗ ក៏ដូចជា គុណសម្បត្តិដ៏អស្ចារ្យយ៉ាងច្រើន របស់សមាជិកក្រុមនីមួយៗរបស់ BIGBANG ថែមទៀតផងដែរ បើនិយាយឲ្យចំទៅ ចំពោះ Jay Park គឺ BIGBANG មានអ្វីៗដ៏អស្ចារ្យគ្រប់យ៉ាងទាំងអស់តែម្តងសម្រាប់លោក។
ការលើកឡើងរបស់ Jay Park បានធ្វើឲ្យអ្នកគាំទ្រជាច្រើនមិនអាចបដិសេធបានឡើយ ពីគុណសម្បត្តិទាំងនេះ។ មិនតែប៉ុណ្ណោះ យោងតាមសមទ្ធិផល និងទេពកោសល្យទាំងអស់ ដែល BIGBANG ទទួលបានកន្លងមក វាកាន់តែអាចបញ្ជាក់ឲ្យយើងបានឃើញយ៉ាងច្បាស់ ថា BIGBANG ពិតជាសាកសមជាមួយនឹង រហ័ស្សនាមដែលមហាជនដាក់ឲ្យថាជា «King of Kpop» មិនខុសពិតមែន៕