គ្រូបង្រៀនក្រីក្រម្នាក់ រំជួលចិត្តដល់ស្រក់ទឹកភ្នែក​ដោយសារ​សិស្ស​ទិញស្បែកជើងថ្មីអោយ

ហ្វេសបុករបស់សាលារដ្ឋមួយដែលឈ្មោះថា Bellevue បានចែករំលែកនៅរឿងរ៉ាវរបស់គ្រូម្នាក់មានឈ្មោះថា Trey Payne។ គាត់ជាគ្រូបង្វឹកផ្នែកកីឡា ថ្នាក់ទី៨។

គាត់មានស្បែកជើងកីឡាបាល់បោះមួយគូរ ដែលគាត់ស្រលាញ់ខ្លាំង តែក្រោយមកបានបាត់នៅក្នុងថ្នាក់រៀនដោយ​ពុំដឹង​មូលហេតុ។ ក្រោយមកទៀតដោយក្តីអាណិត និងស្រលាញ់លោកគ្រូក្រីក្រ ដែលគាត់គ្មានសមត្ថភាព​ទិញ​ស្បែកជើងថ្មី។ សិស្សនៅក្នុងថ្នាក់គ្រប់គ្នា បានប្រមូលថវិកាដើម្បីទិញស្បែកជើងថ្មីអោយគាត់ ដោយសរសេរសំបុត្រ​ដាក់អោយគាត់អានមុនពេលបើកមើលការដូរស្បែកជើង។  

វាគ្រាន់ជាស្បែកជើងមួយគូរប៉ុណ្ណោះ តែបានធ្វើអោយលោកគ្រូរំជួលចិត្តរហូតស្រក់ទឹកភ្នែក ដោយសារតែគាត់ទទួល​នូវអារម្មរណ៍កក់ក្តៅដែលសិស្សផ្តល់ឲ្យ។

ក្រោយមកទៀតគាត់បានដោះវ៉ែនតាចេញ ហើយចាប់ផ្តើមស្រក់ទឹកភ្នែក។ សិស្សានុសិសរបស់គាត់ទាំងអស់បាន យល់ពីតម្លៃនៃទឹកចិត្តរបស់គាត់ដែលបានខិតខំបង្រៀនទូន្មាន និងអប់រំពួកគេ។ ជាចុងក្រោយគាត់បានបន្តថា ទាំងនេះគឺជាអ្វីដែលគាត់ចង់ឲ្យសិស្សយល់ពីតម្លៃនៃការផ្តល់អោយ៕