ចិន៖ ស្របពេលដែលជំងឺរលាកសួតប្រភេទថ្មី កំពុងផ្ទុះខ្លាំងនៅប្រទេសចិន ជាពិសេសនៅទីក្រុង វូហាន រដ្ឋាភិបាលចិនកំពុងរិះរកវិធីព្យាបាល និងបង្កើនការការពារដល់ប្រជាជនខ្លួន ព្រមទាំងបានឃុំខ្លួនប្រជាជនដែលមានផ្ទុកមេរោគឲ្យនៅដោយឡែកសិន។ ក្នុងនោះផងដែរ គេក៏ឃើញមានគ្រួសារមួយចំនួន ត្រូវបែកបាក់សមាជិក ជាបណ្ដោះអាសន្នសិនផងដែរ ដោយសារតែពួកគេមានផ្ទុកមេរោគប្រភេទថ្មីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នៅក្នុងចំណោមប្រជាជនជាង ៩ លាននាក់ដែលត្រូវបានរារាំងមិនឲ្យចាកចេញពីទីក្រុង ក្នុងនោះរួមមាន កុមារតូចដ៏កំសត់ម្នាក់ ដែលត្រូវគេបានបញ្ជូនទៅដាក់នៅកន្លែងដាច់ដោយឡែកពីគេផងដែរ។
យោងតាមឃ្លីបវីដេអូខ្លីមួយ ដែលបានបង្ហោះចែកចាយលើអុីនធឺណេត បានបង្ហាញពីភាពសោកសៅ និងសេចក្ដីអាណិតអាសូរ របស់លោកឪពុកម្នាក់ជាខ្លាំង ខណៈពេលដែលលោក កំពុងសម្លឹងមើលកូន តាមរយៈបង្អួចកញ្ជក់ ហើយពេលនោះទារកតូច ហាក់លាដៃចង់ឱបឪពុក ទើបធ្វើឲ្យបុរសដែលជាឪពុកទប់ទឹកភ្នែកមិនបានហើយក៏ដើរចេញ។
តាមរយៈវីដេអូនេះដែរ មានអ្នកប្រើប្រាស់បណ្ដាញសង្គមជាច្រើនបានបង្ហាញការចូលចិត្ត ព្រមទាំងបានចែករំលែកតៗគ្នា។ ប៉ុន្តែ ក៏មានអ្នកប្រើប្រាស់បណ្ដាញសង្គមម្នាក់បានបញ្ចេញមតិផ្ទាល់ខ្លួន ដោយលើកឡើងថា «គាត់សុខចិត្តស្លាប់ជាមួយក្មេងតូចនេះ ប្រសិនបើគាត់ជាឪពុក»។
គួររម្លឹកថា កាលពីម្សិលមិញនេះ អង្គការសុខភាពពិភពលោក ដែលហៅកាត់ថា (WHO) បានប្រកាសអាសន្នជំុវិញករណីវីរុសឆ្លងដ៏កាចសាហាវនេះ ព្រមទាំងបានបង្ហាញការព្រួយបារម្ភពីសុខភាពប្រជាជន ទូទាំងពិភពលោកផងដែរ៕
មានវីដេអូខាងក្រោម៖