ចិន៖ ខណៈពេលជំងឺរលាកសួតដែលបង្កឡើងដោយវីរុសកូរ៉ូណាកំពុងតែរីករាលដាលពាសពេញប្រទេសចិន និងបានសម្លាប់មនុស្សរួមទាំងអ្នកឆ្លងកាន់តែច្រើនឡើង ពេលនេះរដ្ឋាភិបាលចិនបានចាប់ផ្តើមចេញវិធានការថ្មីមួយ ដោយប្រើប្រាស់ដ្រូន ដើម្បីទៅពន្យល់និងអប់រំប្រជាជនឱ្យពាក់ម៉ាសជាប់ជានិច្ច ក្នុងន័យទប់ស្កាត់ការចម្លងវីរុសកូរ៉ូណា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដ្រូនជាច្រើននឹងបានបង្ហោះនៅតាមទីជនបទនិងដងផ្លូវក្នុងទីក្រុង ដើម្បីក្រើនរំឮកប្រជាជនទាំងអស់ឱ្យពាក់ម៉ាសមិនថានៅក្នុងផ្ទះឬពេលទៅទីប្រជុំជន។ យោងតាមគេហទំព័រសារព័ត៌មាន Global Times របស់ប្រទេសចិនបានឱ្យដឹងថា ដ្រូនទាំងអស់សុទ្ធតែមានបំពាក់ឧបករណ៍បំពងសំឡេងរួមទាំងមានកាមេរ៉ា ដើម្បីនិយាយជាមួយប្រជាជន និងពន្យល់ពួកគាត់ឱ្យពាក់ម៉ាសការពារវីរុសដែលកំពុងរីករាលដាលនេះ។
សូមបញ្ជាក់ផងដែរថា វិធានការណ៍ល្បាតដោយដ្រូននេះត្រូវបានធ្វើឡើង បន្ទាប់ពីអង្គការសុខភាពពិភពលោកបានប្រកាសអាសន្ន ដោយសារតែវីរុសកូរ៉ូណាបានឆក់យកអាយុជីវិតមនុស្សជាង ២៥៩ នាក់ និងអ្នកឆ្លងជាង១១៧៩១ នាក់ផ្សេងទៀត។ ប៉ុន្តែទោះយ៉ាងណាក៏ដោយ ក្រុមអ្នកជំនាញបានព្រមានថា ម៉ាសមិនមានប្រសិទ្ធភាព១០០% ក្នុងការការពារពីវីរុសនេះទេ អ្វីដែលសំខាន់គឺយើងត្រូវលាងដៃឱ្យបានញឹកញាប់ ព្រោះវាជាវិធីសាស្ត្រមួយដែលមានប្រសិទ្ធភាពបំផុត៕
សូមទស្សនាវីដេអូខាងក្រោម៖