អង្គការសម្ព័ន្ធមិត្តសត្វព្រៃបានអំពាវនាវឲ្យប្រជាពលរដ្ឋ បញ្ឈប់ការជួញដូរ និងបរិភោគសាច់ព្រៃគ្រប់ប្រភេទ។ សេចក្តីអំពាវនាវនេះធ្វើឡើងបន្ទាប់ពីមានការរាលដាលយ៉ាងឆាប់រហ័សនៃវីរុសកូរ៉ូណាថ្មី ហើយស្របពេលដែលអ្នកស្រាវស្រាវសន្និដ្ឋានថា វីរុសកូរ៉ូណាថ្មីមានប្រភពពីការបរិភោគសាច់សត្វព្រៃចេញពីទីផ្សារលក់សត្វព្រៃនៅទីក្រុងវូហាន ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គការសម្ព័ន្ធមិត្តសត្វព្រៃបានបញ្ជាក់ថា ទោះជាសត្វព្រៃនោះស្លាប់ ឬរស់ក៏ដោយ យើងមិនត្រូវបរិភោគនោះទេ ព្រោះវាអាចបង្កើនហានិភ័យនៃការឆ្លងជំងឺបាន។ ការបរិភោគសាច់សត្វព្រៃត្រូវគេកំណត់អត្ដសញ្ញាណបានថា គឺជាមូលហេតុនៃការឆ្លងវីរុសកូរ៉ូណាថ្មី ហើយការបរិភោគសាច់សត្វព្រៃក៏ជាដើមហេតុនៃជំងឺ SARS និងជំងឺ Ebola ដ៏កាចសាហាវ។
ក្នុងនោះកញ្ញា ស៊ូវណ្ណា ហ្គោនឡែត នាយិកាប្រតិបត្តិអង្គការសម្ព័ន្ធមិត្តសត្វព្រៃបានបញ្ជាក់ថា ដរាបណាការជួញដូរសត្វព្រៃនៅកម្ពុជានៅតែបន្ត ហានិភ័យចំពោះសុខភាពប្រជាជនកម្ពុជានៅតែបន្តដូចគ្នា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet