អាហ្វ្រិកខាងត្បូង៖ ជាការពិតណាស់ ការចំណាយពេលស្នាក់នៅក្នុងធុងតូចមួយ ស្ថិតនៅលើកំពូលនៃបង្គោលកម្ពស់ ជាន់(ធៀបនឹងកម្ពស់របស់អគារទូទៅ) រហូតទៅដល់ជាង ៧០ ថ្ងៃ វាមិនមែនជារឿងងាយស្រួល ហើយអ្នកណាក៏អាចធ្វើបាននោះទេ។

លោក Vernon Kruger អាយុ ៥២ ឆ្នាំរស់នៅទីក្រុង Dullstroom នៃអាហ្វ្រិកខាងត្បូងបានបង្កើតកំណត់តា្រដ៏អស្ចារ្យថ្មីមួយ ដោយលោកមិនបានឈរជើងនៅលើដីរយៈពេល ៧៣ ថ្ងៃ បន្ទាប់ពីលោកឡើងទៅស្នាក់ក្នុងធុងតូចមួយនៅលើកំពូលនៃបង្គោលកម្ពស់ ២៥ ម៉ែត្រ។

ដោយអាស្រ័យទៅតាមទំហំនៃធុង ដូច្នេះហើយ លោកមិនអាចធ្វើសកម្មភាពបានច្រើននោះទេ សូម្បីតែការដេក។ ចំណែកឯរបបអាហារវិញ លោក Vernon Kruger ត្រូវពឹងអ្នកនៅខាងក្រោមជាអ្នកយកទៅឲ្យ។ ក្នុងមួយសប្ដាហ៍បុរសវ័យ ៥២ ឆ្នាំរូបនេះ ងូតទឹកបានតែពីរដងប៉ុណ្ណោះ ហើយរាល់កាកសំណល់របស់លោក ត្រូវបានបង្ហូរតាមទុយោចុះមកក្រោម។

សូមជម្រាបថា នេះមិនមែនជាលើកទីមួយសម្រាប់ លោក Vernon Kruger ឡើយ។ ជាក់ស្ដែងកាលពីឆ្នាំ ១៩៩៧ កន្លងទៅលោកធ្លាប់ចំណាយពេល ៦៤ ថ្ងៃម្ដងហើយ រស់នៅលើកំពូលបង្គោលបែបនេះ។ ហើយចាប់តាំងពីពេលនោះមក មិនមានអ្នកណាអាចបំបែកកំណត់ត្រារបស់លោកមួយនេះបានឡើយ៕

មានវីដេអូខាងក្រោម៖

លោក  Vernon Kruger

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ