រាជធានីភ្នំពេញ ៖ បុរសម្នាក់ត្រូវជនដៃដល់ដេញតាមចាក់នឹងដបស្រាចំស្មានិងចង្កេះ រងរបួស ប៉ុន្ដែសំណាងល្អរត់ផ្លោះ របងចូលផ្ទះទាន់ពេលវេលាកុំអីស្លាប់បាត់បង់ជីវិតទៅហើយ ។ ហេតុការណ៍នេះកើតឡើងកាលពីវេលាម៉ោង១០និង៣០នាទីយប់ថ្ងៃទី២៦ មីនា ស្ថិតក្នុងភូមិត្នោតជ្រុំ សង្កាត់បឹងទំពុន ខណ្ឌមានជ័យ ។
ជនរងគ្រោះមានឈ្មោះអុំ ស៊ីធឿន អាយុ២៥ឆ្នាំ ជាកម្មករដំឡើងរោងការរោងបុណ្យស្នាក់នៅជាមួយថៅកែនៅភូមិកើតហេតុ មានស្រុកកំណើតនៅខេត្ដតាកែវ។ បើតាមសម្ដីរបស់មិត្ដភក្ដិ ជនរងគ្រោះឈ្មោះពិល វាសនា ភេទប្រុស អាយុ២៣ឆ្នាំ ស្នាក់នៅជាមួយគ្នា ឱ្យដឹងថា នៅយប់កើតហេតុជនរងគ្រោះបានចេញទៅផឹកស៊ីជាមួយមិត្ដភក្ដិនៅជិត កន្លែងស្នាក់នៅដែរ។ ប្រភពដដែលបន្ដទៀតថា ពេលផឹកស៊ីនោះមិនដឹងជាជនរងគ្រោះនិយាយអ្វីទាស់ពាក្យសំដីឬ ប៉ះពាល់ជាមួយជនដៃដល់ទេ ទើបជនដៃដល់យកដបស្រាវាយឱ្យបែកហើយដេញចាក់ទៅលើជនរងគ្រោះរង របួសបែបនេះ។
ក្រោយពេលកើតហេតុជនរងគ្រោះត្រូវមិត្ដភក្ដិបញ្ជូនទៅព្យាបាលនៅមន្ទីរពេទ្យព្រះកុសុមៈ៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]