យន្ដហោះ British Airways បានផ្អាកការហោះហើរបណ្តោះអាសន្នទៅកាន់ចិនដីគោក ព្រោះខ្លាចឆ្លងមេរោគកូរ៉ូណាវីរុស។ យោងតាមគេហទំព័រ BA.com ដែលជាគេហទំព័ររបស់ក្រុមហ៊ុនអាកាសចរណ៍ខាងលើបានបង្ហាញថា មិនមានជើងហោះហើរផ្ទាល់ទៅប្រទេសចិនទេ ប៉ុន្តែវានឹងដំណើរការធម្មតាវិញនាពេលក្រោយ ។ នេះជាអ្វីដែលខាងផ្នែកអាកាសចរណ៍ បាននិយាយក្នុងសេចក្តីថ្លែងការនៅថ្ងៃពុធ ទី២៩ ខែមករា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការឆ្លើយតបទៅនឹងសំនួរ CNA នៅថ្ងៃពុធក្រុមហ៊ុនអាកាសចរណ៍សិង្ហបុរីបាននិយាយថា ខ្លួនមិនបានលុបជើងហោះហើរណាមួយទៅកាន់ប្រទេសចិនទេ។ គ្រាន់តែឈប់សម្រាក់ការហោះហើរទៅកាន់ទីក្រុងម៉េកាំង និងសៀងហៃដែលនៅទីនោះកំពុងមានវិធានការបង្ការជំងឺប៉ុណ្ណោះ។
ជាការកត់សម្គាល់ របាយការណ៍របស់អាជ្ងាធរចិន បានបង្ហាញថា មានអ្នកស្លាប់ដោយសារកូរ៉ណាវីរុសចំនួន១៣២នាក់។ ចំពោះទិន្នន័យបន្ថែមនៃករណី បានបញ្ចាក់គឺមានការកើនឡើងទៅដល់ ៤៩៧៤នាក់។ ហេតុនេះហើយ នៅថ្ងៃអង្គារប្រទេសអង់គ្លេសបានណែនាំ និងប្រឆាំងមិនឱ្យមានការធ្វើដំណើរទៅកាន់ប្រទេសចិនដីគោកដើម្បីជៀសវាង ការរីករាលដាលនៃការឆ្លងជំងឺកូរ៉ូណាវីរុស៕
Bong I.T