កូន៣ហើយ តែដើរលេងដល់ជប៉ុនលើកនេះ ភរិយា ខេមរៈ សិរីមន្ត លេងខ្លួនខ្ញង់ មិនចាញ់ក្មួយៗ

ជប៉ុន៖ បច្ចុប្បន្ននេះតារាចម្រៀងប្រុសដ៏មានប្រជាប្រិយភាព លោកខេមរៈ សិរីមន្ត កាន់តែមានក្តីសុខ និងសុភមង្គលខ្លាំងឡើងនៅក្នុងគ្រួសារ ទោះបីជាលោកមានភាពមមាញឹកខ្លាំងនៅក្នុងការងារសិល្បៈ សឹងតែរកពេលសម្រាកមិនចង់បានយ៉ាងណាក្តី។

ជាក់ស្តែងកាលពីពេលថ្មីៗនេះ តារាប្រុសរូបនេះ បានអនុញ្ញតិឲ្យភរិយាជាទីស្រលាញ់ទៅដើរលេងនៅលើទឹកដីប្រទេសជប៉ុន ជាមួយនឹងកូនៗនិងក្មួយៗ យ៉ាងរីករាយពោរពេញដោយស្នាមញញឹមតែម្តង។ មិនត្រឹមតែប៉ុណ្ណោះនៅក្នុងនោះ ពួកគេប្រើប្រាស់ពេលវេលាដើរលេង ជាមួយនឹងការតែងខ្លួនយ៉ាងស៊ីវិល័យខ្លាំងតែម្តង។

ដោយក្នុងនោះភរិយារបស់លោក បានតែងខ្លួនជាមួយនឹងឈុតផ្កាឈូក យ៉ាងឆើតឆាយជាមួយនឹងកូនប្រុសស្រី ប្រើប្រាស់ជីវិតដ៏មានក្តីសុខតែម្តង។ តែអ្វីដែលកាន់តែពិសេសនោះគឺ ខណៈពេលដែលដើរលេងក្រៅប្រទេស ភរិយាតារាប្រុសរូបនេះ មិនភ្លេច នាំកូនក្មួយថែសុខភាព ការពារជំងឺ ដោយនាំគ្នាពាក់ម៉ាស់គ្រប់ៗគ្នាតែម្តង។

រាល់រូបភាពទាំងនេះ ហ្វេនជាច្រើនសរស់ើរដល់ភរិយាលោក ដែលទោះបីជាមានកូន៣រួចមកហើយយ៉ាងណាក្តី តែសម្រស់ ការតែងខ្លួននៅតែខ្ញង់មិនចាញ់ក្មួយៗប៉ុន្មានទេ៕

សូមទស្សនារូបភាពខាងក្រោមនេះ