អង់គ្លេស៖ ក្រុមបិសាចក្រហម Manchester United ត្រូវបានគេរាយកាណ៍ថា កំពុងពិភាក្សាចរចាជាមួយនឹងអតីតនាយកផ្នែកកីឡារបស់ក្រុម PSG លោក Antero Henrique ក្នុងគោលបំណងចង់ឲ្យលោក មកកាន់ការងារនៅកីឡដ្ឋាន Old Trafford។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Henrique វ័យ៥១ឆ្នាំ ធ្លាប់ចំណាយពេល២ឆ្នាំធ្វើការនៅក្លិប Paris Saint-Germain ក្នុងនាមជានាយកផ្នែកអភិវឌ្ឍន៍កីឡា។
បើយោងតាមការចុះផ្សាយរបស់កាសែត L'Équipe បានឲ្យដឹងថា ខណៈពេលនេះលោក Henrique កំពុងពិភាក្សាចរចាជាមួយនឹងក្រុមបិសាចក្រហម ជុំវិញការមកកាន់តួនាទីផ្នែកដោះដូរកីឡាករនៅ United។
អនុប្រធានប្រតិបត្តិ លោក Ed Woodward បច្ចុប្បន្ន ទទួលបន្ទុកនាំយកកីឡាករមកកាន់ទឹកដី Old Trafford ប៉ុន្តែគុណភាពការងាររបស់លោកហាក់មិនទាន់ត្រូវចិត្តអ្នកគាំទ្ររបស់ Man UTD នៅឡើយទេ។
ការមកដល់របស់លោក Henrique ជារឿងល្អមួយសម្រាប់ក្រុម Man UTD ខណៈក្លិបយក្សនៅអង់គ្លេសមួយនេះ បានស្វែងរកអ្នកមកកាន់តួនាទីជានាយកផ្នែកកីឡាអស់រយៈពេល១៨ខែមកហើយ។
គួរឲ្យដឹងដែថា លោក Henrique ធ្លាប់មានស្នាដៃ នាំយកកីឡាករឆ្នើមៗជាច្រើន មកចូលរួមជាមួយក្រុម PSG កំឡុងពេលលោកនៅកាន់ការងារ រួមមានខ្សែការពារ Dani Alves ខ្សែប្រយុទ្ធឆ្នើមសញ្ជាតិបារាំង Kylian Mbappe និងជម្រើសជាតិប្រេស៊ីល Neymar៕
ប្រភព៖ sportbible