ចិន៖ ស្របពេលដែលកូរ៉ូណាវីរុសនៅតែបន្តឆ្លងពីមួយទៅមួយ និងមានកំណើនអ្នកស្លាប់កើនឡើងជារៀងរាល់ថ្ងៃ គេឃើញប្រជាជនចិនជាច្រើនបង្កើនការប្រុងប្រយ័ត្នដើម្បីការពារពីការឆ្លងជំងឺដ៏កាចសាហាវនេះទៅតាមរបៀបប្លែកៗគួរឲ្យកត់សម្គាល់។

ជាក់ស្ដែងកាលពីថ្ងៃអាទិត្យកន្លងទៅនៅក្នុងសណ្ឋាគារមួយស្ថិតនៅទីក្រុង ហាំងចូ ភាគខាងត្បូងប្រទេសចិន បានប្រើប្រាស់មនុស្សយន្ដជាអ្នកដឹកជញ្ជូនអាហារឲ្យភ្ញៀវ ដើម្បីបង្ការការឆ្លងរវាងភ្ញៀវ និងបុគ្គលិក។ ក្នុងឃ្លីបវីដេអូខ្លីមួយគេឃើញមនុស្សយន្ដកំពុងដឹកជញ្ជូនអាហារឲ្យភ្ញៀវដល់មាត់បន្ទប់យ៉ាងសកម្ម។

មនុស្សយន្ដពេលដឹងអាហារឲ្យភ្ញៀវដល់បន្ទប់

មិនត្រឹមតែការដឹកជញ្ជូនអាហារឲ្យភ្ញៀវជាង ២០០នាក់ដល់បន្ទប់នោះទេ មនុស្សយន្ដដ៏អស្ចារ្យដែលគេដឹងថាមានដល់ ១៦គ្រឿង ថែមទាំងអាចនិយាយបានទៀតផង។ យោងតាមប្រភពព័ត៌មាន មនុស្សយន្ដទាំងនេះអាចបញ្ចេញសម្លេងថា៖

តាមការឲ្យដឹងពីអ្នកសរសេរកម្មវិធីសម្រាប់ដាក់ឲ្យមនុស្សយន្ដ គេបែងចែកពួកវាទៅតាមជាន់នីមួយៗ ដោយក្នុង ១ ជាន់មានចំនួន ១គ្រឿង។ របៀបដំណើរការគឺគេរៀបចំឲ្យមានជាកន្លែងដែលត្រូវទៅ និងកន្លែងឈប់ ការបញ្ចញសម្លេងដើម្បីឲ្យភ្ញៀវនៅក្នុងបន្ទប់បានដឹងពេលទៅដល់ ជាដើម។  ហើយមនុស្សយន្ដទាំងអស់នេះក៏អាចច្រៀងចម្រៀងឲ្យភ្ញៀវស្ដាប់កម្សាន្ដបានផងដែរ៕

សូមទស្សនាវីដេអូខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ