ភ័យមិនស្ទើរ! បុរសម្នាក់នៅទីក្រុងវូហាន ខឹងទៅទិញថ្នាំមិនមាន ស្រាប់តែដោះម៉ាស់ក្អកដាក់គ្រូពេទ្យ (មានវីដេអូ)

ចិន៖ កាលពីថ្ងៃ២៧ ខែមករា ឆ្នាំ២០២០កន្លងទៅនេះ បុរសម្នាក់ (មិនបញ្ចេញអត្តសញ្ញាណ) រស់នៅក្នុងទីក្រុងវូហាន បានទៅមន្ទីរពេទ្យមួយកន្លែងដើម្បីទិញថ្នាំ។

យោងតាមវីដេអូដែលថតឡើងដោយកាមេរ៉ាសុវត្ថិភាពបានបង្ហាញឲ្យឃើញថា បុរសរូបនោះ បានស្លៀកសម្លៀកបំពាក់ខ្មៅមួយឈុត និងពាក់ម៉ាស់ ហើយឈរនិយាយជាមួយគ្រូពេទ្យ។ បន្ទាប់មក គាត់ក៏ដកក្រដាសតូចមួយចេញពីក្នុងហោប៉ៅ និងហុចទៅកាន់គ្រូពេទ្យម្នាក់។ រំពេចនោះ ស្រាប់តែគាត់ដោះម៉ាស់ចេញ ហើយក្អកតាមចន្លោះរនាំងកញ្ចក់ ដែលធ្វើឲ្យគ្រូពេទ្យភ័យស្ទុះក្រោកចេញពីកៅអី។

ក្រោយពីកើតហេតុខាងលើនេះរួចមក បុរសរូបនោះត្រូវបានគេយកទៅពិនិត្យរកឃើញថា គាត់មានអាការផ្ដាសាយនិងក្អកធម្មតាប៉ុណ្ណោះ។ ហើយគាត់មិនមានផ្ទុះមេរោគកូរ៉ូណាដែលកំពុងរាតត្បាតក្នុងទីក្រុងវូហានឡើយ។ យ៉ាងណាមិញ គ្រូពេទ្យម្នាក់ក៏បានបញ្ជាក់ដែរថា បុរសនោះបានផ្ទុះកំហឹង និងខកចិត្ត បន្ទាប់ពីឮថាគ្មានថ្នាំដែលគាត់ត្រូវការ៕

សូមទស្សនារូបភាពនិងវីដេអួខាងក្រោម៖

1月27日，#湖北省孝感市妇幼保健院 内一名男子，高烧4天来医院看 #发热门诊。因医院没有药，便摘下口罩故意对着医院工作人员咳嗽。医院回应称，目前警方已介入调查，两名工作人员经过检查后未发现异常。 pic.twitter.com/zmp6908lgf

— RFA 自由亞洲粵語 (@RfaCantonese) January 28, 2020

• វីដេអូ
• រូបភាព