ខេត្តស្វាយរៀង ៖ កូនប្រុសចិត្តជាតិរច្ឆានម្នាក់បានកាប់ប្រហារឪពុករហូតស្លាប់ បាត់បង់ជីវិត នៅក្នុងថ្លុកឈាមយ៉ាងអាណោចអាធ័មបង្កការភ្ញាក់ផ្អើលកាលពីថ្ងៃទី ២៧ មីនា វេលា ម៉ោង៥ និង៣០នាទីព្រឹក នៅវាលស្រែក្រោយផ្ទះចម្ងាយប្រមាណ១០០ម៉ែត្រ ស្ថិតក្នុងភូមិត្រពាំងថ្លុង សង្កាត់បាទី ក្រុងបាវិត ។ បើតាមសមត្ថកិច្ចបានប្រាប់ឱ្យដឹងថា ជនរងគ្រោះស្លាប់បាត់បង់ជីវិតនេះឈ្មោះថាញ់ យឿង ភេទប្រុស អាយុ៥៣ឆ្នាំ ជាទាហានពិការភ្នែកខាងឆ្វេង និងកំបុតដៃខាងឆ្វេងត្រឹមកួយដៃ មានប្រពន្ធឈ្មោះកុល ផង់ អាយុ៥៨ឆ្នាំ មានជំងឺពិការជើងទាំងពីរមានកូន៤នាក់ ។ លោកបន្តទៀតថា នៅថ្ងៃទី២៦ មីនា ឆ្នាំ២០១២ ជនរងគ្រោះបានទៅខ្ចីប្រាក់ពីធនាគារមួយទិញម៉ូតូ១គ្រឿង ម៉ាកហុងដាឱ្យទៅកូនប្រុសឈ្មោះថាញ់ រ៉ា ដើម្បីជិះធ្វើការរកស៊ីចិញ្ចឹមប្រពន្ធ ។
ប្រភពបន្តឱ្យដឹងទៀតថា លុះមកដល់ម៉ោង៦ល្ងាច ប្អូនៗប្រុសស្រីមកពីធ្វើការម្តាយក៏និយាយប្រាប់ថា «ឪឯងខ្ចីលុយអង្គការទិញម៉ូតូឱ្យបងប្រុសឯង «ថាញ់ រ៉ា» ដូច្នេះឯងទាំងពីរត្រូវខំសន្សំលុយដោះបំណុល» ខណៈនោះកូនប្រុសឈ្មោះថាញ់ ចំរើន ក៏ខឹងនិយាយឡូឡាស្តីឱ្យឪពុក ដែលជាជនរងគ្រោះថា ដើរផឹកស៊ីលេងល្បែងជំពាក់គេរុំកោះសងមិនទាន់រួចផង ទៅខ្ចីលុយធនាគារមកទិញម៉ូតូឱ្យកូនច្បង ហើយកូនៗស្រីប្រុសពៅជាអ្នករកលុយសងជំនួសធ្វើជាឪពុកគេស្រឡាញ់ កូនមិនស្មើ ៕
ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
