មនុស្សស្រីណាដែលចង់លែងលះ! ក្រោយបែកស្វាមី Love Riya បង្ហាញអារម្មណ៍ សុំទោសកូនស្រី ដែលត្រូវជួបរឿងបែកបាក់ទាំងវ័យក្មេង! (មានវីដេអូ)

ភ្នំពេញ៖ ប្រិយមិត្តមួយចំនួនប្រាកដជាបានជ្រាបហើយថា ក្រោយរៀបការបានប៉ុន្មានខែតារាហ្វេសប៊ុក និងអ្នកលក់អនឡាញដ៏៏ល្បីអ្នកនាង Love Riya បានលេចធ្លាយព័ត៌មានដ៏មិនគួរឲ្យជឿ ត្រូវលែងលះគ្នាជាមួយនឹងស្វាមី បន្សល់ទុកកូនដ៏គួរឲ្យស្រលាញ់ម្នាក់ឲ្យនៅកំព្រា ស្របពេលដែលមិនទាន់បានដល់ហេតុផលមកពីអ្វីនោះឡើយ។

ជាក់ស្តែងកាលពីថ្មីៗនេះ តារាស្រីរូបនេះបានធ្វើការLive វីដេអូជាមួយនឹងកូនតូចរបស់ខ្លួន ខណៈពេលដែលមហាជនជាច្រើនចង់ដឹង ពីហេតុផលហេតុអ្វីបានជាអ្នកទាំង២សុខចិត្តចែកផ្លូវគ្នាបែបនេះ ព្រោះឃើញស្រលាញ់គ្នា ស្វីតជាមួយគ្នាស្ទើរគ្រប់ពេលយ៉ាងដូច្នោះ។ ដោយក្នុងនោះនាងបានធ្វើការ Live ដោយបានធ្វើការរៀបរាប់ជាមួយនឹងអារម្មណ៍ពិត ធ្វើឲ្យអ្នកទស្សនាពិតជាអាណិតតែម្តង។

តាមរយៈការLive វីដេអូ ឃើញថានាងបាននិយាយថា ទោះបីជានាងខំប្រឹងហត់ប៉ុណ្ណា តែនាងមិនអាណិតដល់ខ្លួនឯងនោះទេ តែបែរនាងពិតជាអាណិតកូនស្រីខ្លាំង ដែលនៅក្មេងមិនទាន់ដឹងក្តីផង បែរជាមកជួបរឿងបែកបាក់គ្រួសារយ៉ាងដូច្នោះ។

សម្តីរបស់នាងប៉ុន្មានម៉ាត់នេះ បានធ្វើឲ្យហ្វេនជាច្រើនពិតជាក្តុកក្តួលក្នុងចិត្ត ដែលនាងជាមនុស្សស្រីដ៏រឹងមាំយ៉ាងដូច្នោះ ទោះបីជាមានបញ្ហាបែបនេះក៏មើលថែកូនបានយ៉ាងល្អ មិនបាក់ទឹកចិត្តនោះឡើយ៕

សូមទស្សនារូបភាពខាងក្រោមនេះ៖