ភ្នំពេញ៖ នៅថ្ងៃទី២៩ ខែមករា ឆ្នាំ២០២០ នេះ ស្ថានីយទូរទ្សន៍ PNN នឹងធ្វើការបង្ហាញនូវផ្ទាំងទស្សនីយភាពខ្សែភាពយន្តភាគថៃថ្មីមួយរឿងទៀតជូនដល់អ្នកទស្សនា គឺរឿង «ព្រហ្មលិខិតស្នេហ៍» ដែលរៀបរាប់ពីស្នេហាឆ្លងភពដ៏អាថ៌កំបាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែភាពយន្តនេះតំណាលពី រ៉ាសស៊ីកា ដែលជាក្មេងស្រីសម័យទំនើប មានទំនុកចិត្តលើខ្លួនឯង និងចូលចិត្តប្រលោមលោកមនោសញ្ចេតនា។ ថ្ងៃមួយនាងទិញប្រលោមលោករឿងដូចព្រហ្មលិខិតស្នេហ៍មកអាន ពេលអានម្ដងៗទិដ្ឋភាពនៃរឿងនោះតែងផុសចេញមកស្ដែងៗតែម្ដងធ្វើឲ្យនាងចម្លែកអារម្មណ៍ណាស់។
កាន់តែចម្លែកទៀតនោះតួឯកស្រីឈ្មោះ ការ៉ាកេត នៅក្នុងរឿងប្រលោមលោកនោះមានមុខម៉ាត់ដូចនាងបេះបិទ។ ក្នុងរឿងនោះរៀបរាប់ពីដំណើរដើមទងរបស់ ការ៉ាកេត ដែលជាកូនស្រីអ្នកមានឋានៈខ្ពស់ម្នាក់ នាងមានចរិតស្លូតបូត និងតែងត្រូវបានធ្វើបានដោយម្ដាយចុង និងប្អូនស្រី។
ក្រៅតែពីរឿងរ៉ាវស្នេហាឆ្លងភពរបស់ Rasika និងអ្នកអង្គម្ចាស់រូបសង្ហា ក៏នៅមានគំនុំសងសឹងគ្នាផងដែរ ចង់ជ្រាបច្បាស់កុំភ្លេចរង់ចាំទស្សនាខ្សែភាពយន្តភាគថៃរឿង «ព្រហ្មលិខិតស្នេហ៍» ផ្សាយជូនទស្សនារៀងរាល់ថ្ងៃចន្ទ ដល់ថ្ងៃសុក្រ វេលាម៉ោង 11:00 ដល់ម៉ោង 12:00 ថ្ងៃត្រង់ នៅលើកញ្ចក់ទូរទស្សន៍ភីអិនអិន៕