ក្លាយជា តារាល្បីឈ្មោះពិតមែន តែជីវិតអ៊ីវ៉ា នៅតែប្រើជីវិតសាមញ្ញៗ មិនវាយឬក

កំពង់ស្ពឺ៖ ដូចដែលប្រិយមិត្តបានស្គាល់មកហើយថា តារាចម្រៀងស្រីរបស់ផលិតកម្មសាន់ដេ កញ្ញាអ៊ីវ៉ា ជាតារាចម្រៀងមួយរូបដែលប្រឡូកក្នុងវិស័យសិល្បៈជាច្រើនឆ្នាំ និងកំពុងតែទទួលបានការពេញនិយមពីសំណាក់អ្នកគាំទ្រមិនថាតែ​យុវវ័យ ចាស់ ក្មេង សុទ្ធតែទទួលស្គាល់នូវសមត្ថភាព រូបរាងស្រស់ស្អាតគួរឲ្យស្រលាញ់ ​និងទឹកដមសំនៀងរបស់កញ្ញាដ៏ពីរោះ ដែលអាចបកស្រាយបានគ្រប់ប្រភេទនៃបទចម្រៀង មិនថាបទសម័យ​ ញាក់ មនោសញ្ចេតនា និងប្រពៃណី។

កាលពីពេលថ្មីៗនេះម្ចាស់បទ “ទឹកអប់មានពិស” រូបនេះ ក៏បានចេញបទចម្រៀងថ្មីមួយបទមានចំណងជើងថា “លួងអូន”​ ដែលទទួលបានការគាំទ្ រពីបណ្ដារប្រិយមិត្តយ៉ាងច្រើនផងដែរ នៅលើបណ្ដាញសង្គមនានា និងក្នុងយូធូប។

ទទឹមនឹងការជោគជ័យ និងមានភាពល្បីល្បាញក្នុងវិស័យសិល្បៈក៏ពិតមែន តែតារាចម្រៀងដែលមានស្រុកកំណើតនៅខេត្តកំពង់ស្ពឺរូបនេះ នៅតែបង្ហាញពីជីវិតរស់នៅបែបសាមញ្ញៗតែថ្លៃថ្នូរនៅឯស្រុកកំណើត ដោយមិនប្រកាន់ខ្លួនថាជាតារាល្បីឡើយ។ នេះបើតាមរូបថតមួយចំនួនដែលបានបង្ហោះ នៅក្នុងគណនីហ្វេសប៊ុករបស់កញ្ញាផ្ទាល់។

ចង់ដឹងកាន់តែច្បាស់ តោះ ទៅទស្សនារូបភាពទាំងអស់គ្នា!