អង្គការសុខភាពពិភពលោក (WHO) កាលពីថ្ងៃច័ន្ទ បានសារភាពពីកំហុសនៅក្នុងការវាយតម្លៃហានិភ័យលើកូរ៉ូណាវីរុសនៅវូហាន។ ការសារភាពរបស់អង្គការនេះធ្វើឡើងក្រោយពេលដែលមានមតិរិះគន់ចំពោះការគ្រប់គ្រងរបស់ខ្លួនលើការផ្ទុះនៃជំងឺកន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារអង្គការសហប្រជាជាតិដែលមានមូលដ្ឋាននៅទីក្រុងហ្សឺណែវបាននិយាយនៅក្នុងរបាយការណ៍នៃស្ថានភាពកាលពីល្ងាចថ្ងៃអាទិត្យថាហានិភ័យគឺខ្ពស់ណាស់ទាំងនៅក្នុងប្រទេសចិន កម្រិតតំបន់ និងនៅកម្រិតពិភពលោក" ។
នៅក្នុងកំណត់សម្គាល់អង្គការសុខភាពពិភពលោកបានពន្យល់ថាខ្លួនបានថ្លែងសេចក្តីថ្លែងការណ៍ដែលមិនត្រឹមត្រូវ នៅក្នុងរបាយការណ៍មុនថាហានិភ័យគឺមធ្យម តែតាមពិតគឺហានិភ័យមានលើសពីនោះ។
វីរុសដែលត្រូវបានគេរកឃើញដំបូងនៅក្នុងទីក្រុង Wuhan ក្នុងប្រទេសចិនកាលពីថ្ងៃទី ៣១ ធ្នូ ២០១៩ បានចម្លងមកមនុស្សជាង ២៧០០នាក់នៅទូទាំងពិភពលោក រាប់បញ្ចូលទាំងករណីមួយចំនួនដែលត្រូវបានរកឃើញនៅក្នុងប្រទេសជាច្រើនទៀត។
ប្រធានអង្គការសុខភាពពិភពលោក Tedros Adhanom Ghebreyesus ដែលកំពុងធ្វើទស្សនកិច្ចនៅប្រទេសចិននៅសប្តាហ៍នេះដើម្បីពិភាក្សាពីវិធីនៃការទប់ស្កាត់ការផ្ទុះឡើងនេះបានស្ថិតនៅក្រោមការសាកសួរយ៉ាងខ្លាំងពីអ្នកសារព័ត៌មានកាលពីថ្ងៃព្រហស្បតិ៍ជុំវិញការសម្រេចចិត្តរបស់លោកកន្លងទៅដោយមិនបានប្រកាសអាសន្ន។
អ្នកសារព័ត៌មានមួយចំនួនបានសួរថាតើការសម្រេចចិត្តនេះមានលក្ខណៈនយោបាយឬអត់?
លោកបានមានប្រសាសន៍ថា៖«នេះជាភាពអាសន្ននៅក្នុងប្រទេសចិន ប៉ុន្តែវាមិនទាន់ក្លាយជាគ្រោះអាសន្នផ្នែកសុខភាពសកលនៅឡើយទេ។»
អង្គការសុខភាពពិភពលោកបាននិយាយថាការធ្វើចំណាត់ថ្នាក់ជា“ការវាយតម្លៃជាសកលនៃហានិភ័យ, គ្របដណ្តប់លើភាពធ្ងន់ធ្ងរ, ការរាលដាល និងសមត្ថភាពក្នុងការដោះស្រាយ” ។
គួររំឭកថា កន្លងមកទីភ្នាក់ងារសុខាភិបាលរបស់អង្គការសហប្រជាជាតិត្រូវបានគេរិះគន់ឥតសំចៃរឿងវិភាគបញ្ហាមិនត្រឹមត្រូវ។ មិនត្រូវព្រោះថា កាលពីជំងឺនាអតីតកាល អង្គការនេះបានធ្វើឱ្យមានការភ្ញាក់ផ្អើលនៃការទិញវ៉ាក់សាំង ព្រមទាំងការប្រកាសថាការផ្ទុះឡើងបានឈានដល់ការរាតត្បាតខ្លាំង ប៉ុន្តែក្រោយមកនៅពេលចេញវីរុស គឺមិនមានគ្រោះថ្នាក់ដូចការគិតពីដំបូងឡើយ។
ប៉ុន្តែនៅឆ្នាំ ២០១៤ អង្គការមួយនេះបានមើលស្រាលលើការរីករាលដាលដ៏ធ្ងន់ធ្ងរនៃជំងឺអេបូឡាដែលបានបំផ្លាញប្រទេសអាហ្វ្រិកខាងលិចថាមិនមានបញ្ហា តែក្រោយមកវាបានឆក់យកជីវិតមនុស្សអស់ជាង ១១៣០០ នាក់ហើយបញ្ចប់ក្នុងឆ្នាំ២០១៦៕
Bong I.T