កូរ៉េខាងត្បូង៖ នាពេលថ្មីៗនេះ ខ្សែភាពយន្តភាគដ៏ថ្មីសន្លាងរបស់កូរ៉េរឿង «Crash Landing On You» កំពុងតែទទួលបានចាប់អារម្មណ៍យ៉ាងខ្លាំង ពីបណ្តាប្រិយមិត្តទស្សនិកជន ជាមួយសាច់រឿងជក់ចិត្តដិតអារម្មណ៍ ជាពិសេសថែមទាំងមានតួឯកសម្តែង សុទ្ធសឹងតែជាតារាសម្តែងប្រុសស្រីជើងចាស់ល្បីៗប្រចាំប្រទេសថែមទៀតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ខ្សែភាពយន្តកំពុងល្បីឈ្មោះមួយនេះ ត្រូវបានសម្តែងដោយ តារាសម្តែងប្រុសរូបសង្ហា Hyunbin ជាមួយនឹងតារាសម្តែងស្រី ពោរពេញទៅដោយទេពកោសល្យ So Yejin យ៉ាងណាមិញ ការសម្តែងរបស់អ្នកទាំងពីរពិតជាសាកសមគ្នាខ្លាំង ជាពិសេសគឺនៅត្រង់វគ្គមនោសញ្ចេតនាស្នេហារ៉ូមែនទិក គឺកាន់តែគួរឲ្យចង់ទស្សនាតែម្តង។
ដោយឡែក បើងាកមកមើលឈុតក្រៅឆាកពេលសម្តែងឯណេះវិញ គឺផ្ទុយដាច់ពីសាច់រឿងអាចនឹងធ្វើឲ្យគ្រប់គ្នាសើចតែម្តង ពោលគឺរាល់តែដែលថតដល់ត្រង់ឈុត តួប្រុសនិងតួស្រីឈរជិតគ្នា ឬនិយាយគ្នាជាដើម គឺគេតែងសង្កេតឃើញថា តួស្រីតែងតែពាក់ស្បែកជើងកែងខ្ពស់ និងឈរនៅលើកៅអីបន្ថែមផងដែរ ដើម្បីឲ្យស៊ីគ្នាជាមួយនឹងតួប្រុស។
បើនិយាយឲ្យមែនទែនទៅ បើទោះបីជាតារាស្រី Yejin មានកម្ពស់ ១,៦៥ម៉ែត្រ ទៅហើយក្តី ក៏ប៉ុន្តែនាងក៏ត្រូវតែពាក់ស្បែកជើងកែងកម្ពស់ ៨ សង់ទីម៉ែត្រ និងឈរលើកៅអីបន្ថែមទៀត ដើម្បីឲ្យសមជាមួយតារាប្រុស Hyunbin ដែលមានកម្ពស់ ១,៨៥ម៉ែត្រផងដែរ។
មិនតែប៉ុណ្ណោះ នេះបើតាមដឹង Hyunbin មិនត្រឹមតែជាតួឯកប្រុសតែប៉ុណ្ណោះនោះទេ លោកថែមទាំងមានកម្ពស់ជាងគេបង្អស់ក្នុងចំណោមតួអង្គសម្តែងប្រុសស្រីទាំងអស់ នៅក្នុងខ្សែភាពយន្តមួយនេះថែមទៀតផង៕