អាមេរិក៖ អ្នកជំនាញផ្នែកសត្វពីបុរាណបានរកឃើញពូជដាយណូស័រដែលស៊ីសត្វជាអាហារប្រភេទថ្មី នៅក្នុងរដ្ឋ Utah សហរដ្ឋអាមេរិក ហើយក៏ធ្លាប់ជាកន្លែងដែលពួកវារស់នៅកាលពីមុន នៅចុងសម័យកាល Jurassic ចន្លោះពី១៥៧ទៅ១៥២លានឆ្នាំមុន។ ប្រភេទសត្វនេះស្ថិតនៅក្នុងប្រភេទក្រុម allosauroid ដែលជាក្រុមដាយណូស័រមានរាងចាប់ពីតូចដល់ធំ ដែលដើរជើងពីរនិងស៊ីសាច់ជាអាហារ ហើយធ្លាប់រស់នៅតាំងពីចុងសម័យ Jurassic និងសម័យ Cretaceous។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដាយណូស័រប្រភេទនេះ ត្រូវបានគេដាក់តាំងបង្ហាញនៅឯសារមន្ទីរប្រវត្តិសាស្ត្រធម្មជាតិ Utah។ កាលពីមុនក្រុមអ្នកជំនាញផ្នែកសត្វពីបុរាណធ្លាប់គិតថា មានដាយណូស័រប្រភេទ Allosaurus តែមួយទេ ដែលធ្លាប់រស់នៅលើទឹកដីអាមេរិកខាងជើង។ លោក Mark Loewen ដែលជាអ្នកនិពន្ធការស្រាវជ្រាវនៅឯសារមន្ទីរប្រវត្តិសាស្ត្រធម្មជាតិ Utah បាននិយាយថា ការសិក្សានេះបង្ហាញថា មានដាយណូស័រពីរប្រភេទ ហើយពូជថ្មីត្រូវបានគេស្គាល់ថា Allosaurus jimmadseni ដែលវិវឌ្ឍតាំងពី៥លានឆ្នាំម្ល៉េះ មុនប្រភេទ Allosaurus fragilis ទៅទៀត។
Allosaurus jimmadseni មានលក្ខណៈសម្គាល់ពិសេសរបស់វា ដោយទ្រនុងនៃឆ្អឹងលើក្បាលលាតសន្ធឹងពីភ្នែករហូតដល់ច្រមុះ ហើយចំណែកផ្នែកខាងក្រោយនៃឆ្អឹងលលាដ៍ក្បាលវិញ មានផ្ទៃរាបស្មើរហូតដល់បាតនៃលលាដ៍ក្បាលក្រោមភ្នែក។ Allosaurus jimmadseni គឺជាសត្វមំសាសីកំពូល នៅក្នុងប្រព័ន្ធអេកូឡូស៊ីរបស់វា។ វាមានជើងនិងកន្ទុយវែងគួរសម ហើយដៃដ៏វែងមានក្រញ៉ាំមុតស្រួចបី។ លោក Loewen បានបន្ថែមទៀតថា លលាដ៍ក្បាលរបស់ Allosaurus jimmadseni មានលក្ខណៈស្រាលនិងងាយផ្គុំឡើងវិញជាងប្រភេទ Allosaurus fragilis៕