លះបង់ណាស់! អ្នកគ្រូពេទ្យម្នាក់សុខចិត្តកោរសក់ខ្លួនឯង ដើម្បីព្យាបាលអ្នកជំងឺដែលឆ្លងវីរុសថ្មីនៅចិន

//s5.kh1.co/61/611b4270acfb4be4e4a1ec6da6633c06ee4dc5cc.jpg
សង្គម

 ២៧-មករា-២០២០ ៥ល្ងាច · ៤ ឆ្នាំមុន

អ្នកគ្រូពេទ្យម្នាក់សុខចិត្តកោសក់ខ្លួនឯង ដើម្បីបង្កភាពងាយស្រួល ដល់ការព្យាបាលអ្នកជំងឺដែលឆ្លងវីរុសថ្មីនៅចិន

ចិន៖ ស្របពេលជំងឺឆ្លងផ្លូវដង្ហើមថ្មីកំពុងតែវាយលុកខ្លាំងនៅទីក្រុងវូហាន គ្រូពេទ្យជាច្រើនហាក់មានភាពស្គមស្គាំងជាងមុន ដោយសារការខិតខំប្រឹងប្រែងព្យាបាលអ្នកជំងឺយ៉ាងច្រើនលើសលប់ ដែលចូលមកសម្រាកនៅឯមន្ទីពេទ្យជារៀងរាល់ថ្ងៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភពព័ត៌មានឲ្យដឹងថា អ្នកស្រី Shan Xia ដែលជាគិលានុបដ្ឋាយិកាធ្វើការនៅទីក្រុង វូហាន បានសម្រេចចិត្តកោរសក់ចេញនៅថ្ងៃទី ២៧ ខែមករា នេះ ដើម្បីសម្រួលដល់ការព្យាបាលអ្នកជំងឺដែលកំពុងឆ្លងវីរុសថ្មី Corona ។ ស្ត្រីជាម្ដាយវ័យ ៣០ ឆ្នាំដែលមានកូន ២ នាក់រូបនេះធ្វើការនៅមន្ទីពេទ្យ Renmin បាននិយាយថា មូលហេតុដែលនាងកោរសក់ដើម្បីចៀសវាងការឆ្លងមេរោគពីអ្នកជំងឺ ហើយជាពិសេសវាអាចសន្សំពេលវេលាបានច្រើននៅរៀងរាល់ពេលពាក់ និងដោះឈុតការពារម្ដងៗ។

អ្នកគ្រូពេទ្យ Shan Xia
អ្នកគ្រូពេទ្យ Shan Xia

គណៈកម្មការសុខភាពចិន បាននិយាយនៅថ្ងៃច័ន្ទនេះថា ពួកគេបានរៀបចំក្រុមគ្រូពេទ្យចំនួន ៩៥៩ នាក់មកពីខេត្តក្រុងចំនួន ៧ផ្សេងគ្នាទូទាំងប្រទេសចិនដូចជា ​ខេត្តហេណាន, ​ខេត្តជីលីន, ​ខេត្តលៀន, ​ខេត្តសានស៊ី, ​ខេត្តសានអានស៊ី, ក្រុងធានជីង និងក្រុងឆុងឈីង ដើម្បីជួយការពារ និងទប់ស្កាត់ការឆ្លងវីរុសផ្លូវដង្ហើមថ្មីនៅក្នុងទីក្រុងវូហាន។ ក្រៅពីនេះមានមនុស្សចំនួន ៧ នាក់ទៀតត្រូវបានបញ្ជូនទៅទីក្រុងប៉េកាំង ហឺប៉ី សៀងហៃ ហេណាន ហួណាន ក្វាងទុង និងស៊ីឈួន ដើម្បីពិនិត្យមើលដូចជា ការឆ្លងរាលដាល និងការព្យាបាល ក៏ដូចជាការការពារ នៅតាមសហគមន៍ និងស្ថាប័នវេជ្ជសាស្ត្រមូលដ្ឋានផងដែរ។

ទន្ទឹមនឹងនេះផងដែរ ខ្មែឡូត យើងខ្ញុំ សូមថ្លែងអំណរគុណដល់បុគ្គលិកពេទ្យទាំងអស់ ចំពោះកិច្ចខិតខំប្រឹងប្រែងទាំងនេះ ដើម្បីជួយសង្គ្រោះអ្នកជំងឺដែលឆ្លងវីរុសថ្មី៕

Chheng Bouthorng
B.T

អត្ថបទទាក់ទង

//s9.kh1.co/40/40c51ea52f63f35126eaf149204695616c1bd9d4.jpg

ម៉ាកយីហោ “ផ្ទះបាយភូមិខ្មែរ” បង្កើតឡើងដោយកូនខ្មែរ ដែលមានបេះដូងនិងការតាំងចិត្តយ៉ាងខ្លាំង ក្នុងចូលរួមអភិរក្ស និងអភិវឌ្ឍន៍ម្ហូបខ្មែរ កេរតំណែលជាតិ

 ២៩-មីនា-២០២៤ 
 ៣ល្ងាច · ១៦ នាទីមុន
//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ៥ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ៦ ម៉ោងមុន
រក្សាសិទ្ធិ Mediaload
Powered by Bong I.T Bong I.T