ភ្នំពេញ៖ ដើម្បីអបអររដូវបុណ្យចូលឆ្នាំប្រពៃណីចិន ឆ្នាំ២០២០ ក្រុមហ៊ុនអាកាសចរណ៍ជំនាន់ថ្មី Vietjet ចាប់ផ្តើមបើកដំណើរការ ផ្លូវហោះហើរត្រង់ថ្មីបំផុតរបស់ខ្លួនជាផ្លូវការ ដែលភ្ជាប់ទីក្រុងហាណូយ និងកោះបាលី ក្នុងប្រទេសឥណ្ឌូនេស៊ី។ អ្នកដំណើរពីប្រទេសកម្ពុជាឥឡូវនេះ អាចធ្វើការហោះហើរដែលភ្ជាប់ពីទីក្រុងសៀមរាប និងហាណូយ ហើយបន្ទាប់មក បន្តហោះហើរត្រង់ទៅកាន់កោះបាលីតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះគឺជាសេវាហោះហើរទី២របស់ Vietjet ទៅកាន់គោលដៅវិស្សមកាលដ៏ល្បីល្បាញរបស់ឥណ្ឌូនេស៊ី បន្ទាប់ពីផ្លូវហោះហើររវាងទីក្រុងហូជីមិញ និងកោះបាលី ដែលត្រូវបានប្រតិបត្តិការតាំងពីខែឧសភា ឆ្នាំ២០១៩។ នេះគឺជាផ្លូវហោះហើរត្រង់ដំបូងគេ ដែលចេញដំណើរពីរដ្ឋធានីរបស់វៀតណាម ទៅកាន់កោះបាលី ផងដែរ។
ក្នុងពិធីបើកការហោះហើរជាផ្លូវការ លោកស្រី Nguyen Thanh Ha ប្រធានក្រុមប្រឹក្សានាយករបស់ក្រុមហ៊ុន Vietjet មានប្រសាសន៍ថា៖
ផ្លូវហោះហើររវាងហាណូយ-កោះបាលី ប្រតិបត្តិការហោះហើរជារៀងរាល់ថ្ងៃ ចាប់ពីថ្ងៃទី២៦ ខែមករា ឆ្នាំ២០២០ នេះតទៅ។ ការហោះហើរនឹងចេញដំណើរពីទីក្រុងហាណូយ នៅម៉ោង១០ព្រឹក ហើយនិងទៅដល់កោះបាលី នៅម៉ោង ៤:២៥ រសៀល។ ជើងហោះហើរត្រឡប់មកវិញ នឹងចេញដំណើរពីកោះបាលី នៅម៉ោង ៥:៣០ ល្ងាច និងទៅដល់ទីក្រុងហាណូយ នៅម៉ោង ៩:៥៥ យប់ (ម៉ោងទាំងអស់គឺជាម៉ោងក្នុងស្រុក)។
ក្នុងនាមជារដ្ឋធានីរបស់វៀតណាម ហាណូយ ផ្តល់ជូនការសម្រាកវិស្សមកាលដែលមិនអាចបំភ្លេចបាន ដោយសារតែមានប្រវត្តិសាស្ត្រដ៏សម្បូរបែបក្នុងទីក្រុងនេះ។ ខណៈដែលត្រូវបានបង្កើតឡើងច្រើនជាង១ពាន់ឆ្នាំមុន ហាណូយ ផ្តល់ការទាក់ទាញដល់រាលភ្ញៀវទេសចរណ៍ទាំងអស់ ជាមួយនឹងអគារបុរាណ និងស្ថាដៃស្ថាបត្យកម្មសម័យអាណានិគមបារាំង ក៏ដូចជាតំបន់វប្បធម៌ និងម្ហូបអាហារដ៏ឈ្ងុយឆ្ងាញ់។
បាលី ដែលជាគោលដៅមួយ ក្នុងចំណោមគោលដៅទេសចរណ៍ដ៏មានប្រជាប្រិយភាពបំផុត ក្នុងប្រទេសឥណ្ឌូនេស៊ី និងតំបន់អាស៊ីទាំងមូល ជារឿយៗត្រូវបានគេហៅថា «ជាកោះព្រះ» និងត្រូវបានចាត់ទុកថា ជាកោះឋានសួគ៌ក្នុងតំបន់ត្រូពិក។ ជាមួយនឹងការជាប់ឆ្នោតជាកោះមួយ ក្នុងចំណោមកោះដ៏ស្រស់ស្អាតបំផុតក្នុងពិភពលោក បាលី គឺជាតំបន់ធម្មជាតិដែលគ្មានការកែច្នៃដ៏ស្រស់ស្អាត មានទេសភាពដ៏ទាក់ទាញ និងសម្រស់វប្បធម៌ប្លែកៗជាច្រើន។
ក្នុងនាមជាក្រុមហ៊ុនអាកាសចរណ៍សម្រាប់ប្រជាជន និងអ្នកដំណើរទាំងអស់ Vietjet បើកដំណើរការផ្លូវហោះហើរថ្មីៗជាច្រើន ដើម្បីផ្តល់ជូនឱកាសហោះហើរជាច្រើនបន្ថែមទៀត ក្នុងតម្លៃដ៏សក្តិសម។ ជាមួយនឹងស្មារតីនៃការផ្តល់ជូននូវ «សុវត្ថិភាព សុភមង្គល សមរម និងទៀងទាត់ពេលវេលា» ដែលជាតម្លៃស្នូល ក្រុមហ៊ុន Vietjet បង្កើតបទពិសោធន៍នៃការហោះហើរប្រកបដោយការចងចាំ សម្រាប់អ្នកដំណើរ នៅលើយន្តហោះថ្មី ដែលបំពាក់ដោយកៅអីដ៏មានផាសុកភាព ជម្រើសនៃម្ហូបអាហារក្តៅៗ និងឈ្ងុយឆ្ងាញ់ចំនួន៩មុខ ដែលត្រូវបានបម្រើដោយបុគ្គលិកប្រកបដោយភាពរួសរាយរាក់ទាក់ និងផ្តល់ជូនសេវាបន្ថែមទំនើបៗជាច្រើន លើផ្លាតហ្វមពាណិជ្ជអេឡិចត្រូនិក។
សេវាហោះហើរថ្មីនេះ នឹងនាំយកអ្នកដំណើរទៅកាន់គោលដៅ ដ៏គួរឲ្យទាក់ទាញមួយផ្សេងទៀតសម្រាប់ការធ្វើដំណើរវិស្សមកកាលរបស់ខ្លួន ជាមួយនឹងក្រុមគ្រួសារ និងមិត្តភក្តិ។ Vietjet សង្ឃឹមថា នឹងផ្តល់ជូននូវភាពរីករាយ និងសុភមង្គល ដល់រាល់អ្នកដំណើរទាំងអស់ អំឡុងពេលថ្ងៃទី១នៃបុណ្យចូលឆ្នាំចិន ដោយសូមជូនពរឲ្យគ្រប់គ្នាជួបតែភាពរីករាយ និងឆ្នាំដ៏ល្អមួយ៕