កប់ខ្លាំង Angelababy លេងមួយឈុតពណ៌ស ឡើងដូចព្រះនាងម្ចាស់

ចិន៖ អ្នកណាមិនស្គាល់តារាសម្ដែងចិនដ៏ល្បី Angelababy ដែលអ្នកគ្រប់គ្នាភាគច្រើនបានស្គាល់នាងតាមរយៈខ្សែភាពយន្តផ្សេងៗជាច្រើន មិនត្រឹមតែប៉ុណ្ណោះ នាងបានសាងភាពល្បីល្បាញ ព្រមទាំងមានការគាំទ្រជាច្រើនពីសំណាក់ហ្វេនៗ ទៅលើទេពកោសល្យយ៉ាងល្អឥតខ្ចោះនៅក្នុងវិស័យសិល្បៈ ម៉្យាងវិញទៀតនាងថែមទាំងមានរូបសម្រស់ស្រស់ស្អាត​ទៀតផង។

បើទោះបីជា Angelababy បានរៀបការហើយ និងមានកូនមួយរួចក៏ដោយ ប៉ុន្តែនាងនៅតែរក្សាភាពស្រស់ស្អាតបានដដែល ។ ដោយសារតែភាពស្រស់ស្អាតរបស់​នាងនេះហើយ គឺមិនថានាងស្លៀកពាក់បែបណានោះទេ នាងតែងតែផ្ដល់នូវភាពឆើតឆាយ និងទាក់ទាញដល់អ្នកទស្សនាជានិច្ច។ លើសពីនេះទៅទៀត នៅពេលដែល Angelabay តុបតែងខ្លួនចូលទៅក្នុងកម្មវិធីម្ដងៗ នាងមិនដែលធ្វើឲ្យអ្នកគាំទ្រខកចិត្តម្ដងណាឡើយ ដោយនាងតែងតែនាំមកជាមួយនឹងឈុតសម្លៀកបំពាក់ ដែលមានម៉ូតស្រស់ស្អាត ទាន់សម័យ និងគួរឱ្យទាក់ទាញជាទីបំផុត ។

អ្វីដែលកាន់តែពិសេសនោះគឺ កាលពីពេលថ្មីៗនេះ Angelababy បាននាំមកនូវភាពភ្ញាក់ផ្អើលមួយទៀត ដោយនាងបានស្លៀកឈុតសម្លៀកបំពាក់បែបរ៉ូប ពណ៌ស ដែលមានការរចនាម៉ូតយ៉ាងពិសេសនិងមានរូបផ្កាតូចជាច្រើននៅពីលើរ៉ូបនោះ ព្រមជាមួយនឹងស្បៃគ្របក្បាល ដែលមើលទៅហាក់ដូចជាឈុតរៀបការរបស់កូនក្រមុំណាស់។​ នៅពេលបានឃើញបែបនេះហើយ អាចនិយាយបានថា នាងពិតជាស្រស់ស្អាតខ្លាំងណាស់ដល់ថ្នាក់ធ្វើឲ្យក្រមុំៗជាច្រើនច្រណែននឹងនាងផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖