អុីតាលី៖ ឆ្មាគួរឲ្យស្រលាញ់មួយក្បាលកំពុងទទួលបានការចាប់អារម្មណ៍លើបណ្ដាញសង្គម ដោយសារម្ចាស់របស់វាបំពាក់ជើងសិប្បនិម្មិតឲ្យក្រោយពីជួបគ្រោះថ្នាក់ចរារណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សVito អាយុ ៦ឆ្នាំជាឆ្មារបស់លោក Silvia Gottardi និងអ្នកស្រី Linda Ronzoni ដែលរស់នៅទីក្រុង Milan។ មុនកើតហេតុម្ចាស់របស់វាបានទុកឲ្យនៅផ្ទះម្នាក់ឯង ខណៈពេលពួកគេធ្វើដំណើរចេញទៅក្រេបទឹកឃ្មុំនៅខាងក្រៅ។
នៅថ្ងៃកើតហេតុ Vito បានចេញទៅខាងក្រៅផ្ទះដើរតាមផ្លូវ ក៏ស្រាប់តែមានរថយន្ដមួយគ្រឿងបើកបុកចំវាតែម្ដង ហើយពេលនោះមិនមាននរណាម្នាក់បានជួយសង្គ្រោះវាឡើយ លុះរំលងមួយថ្ងៃ ទើបមានគេរកវាឃើញនៅក្បែកន្លែងកើតហេតុ។ នៅក្នុងការសង្គ្រោះបឋមគេដកក្រញុាំជើងរបស់វាម្ខាងចេញសិន តែមិនអាចជាសះស្បើយត្រឹមនេះទេ ទើបក្រោយមកគេក៏សម្រេចចិត្តកាត់ជើងខាងក្រោយទាំងពីរចេញតែម្តង ដោយសាររបួសឆ្លងមេរោគធ្ងន់ធ្ងរពេក។
ចាប់តាំងពីពេលនោះមក Vito ត្រូវបានគេបំពាក់ជើងសិប្បនិម្មិតឲ្យ ប៉ុន្តែវាត្រូវការពេលវេលាខ្លះ ដើម្បីឲ្យសុាំនឹងជើងសិប្បនិម្មិតនោះ។ ទោះយ៉ាងណាបច្ចុប្បន្ន Vito បានជាសះស្បើយហើយ ព្រមទាំងអាចដើរ និងរត់បានដូចឆ្មាទូទៅផងដែរ៕
សូមទស្សនារូបភាព និងវីដេអូខាងក្រោម៖