បារាំង៖ កំពូលខ្សែប្រយុទ្ធ Neymar បានបង្ហាញការគោរពដល់វិញ្ញាណក្ខន្ធរបស់អតីតកីឡាករបាល់បោះល្បីឈ្មោះ Kobe Bryant ដែលបានទទួលមរណភាពក្នុងឧបទេវហេតុធ្លាក់ឧទ្ធម្ភាគចក្រនៅរដ្ឋធានី Carlifornia នៅកំឡុងការប្រកួតយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំណឺងដ៏ក្ដុកក្ដួលនេះបានចុះផ្សាយព្រោងព្រាតមុនការប្រកួតដែល PSG យកឈ្នះ Lille ដោយលទ្ធផល ២ទល់នឹង០ កាលពីយប់មិញបន្តិច ប៉ុន្តែខ្សែប្រយុទ្ធជម្រើសជាតិប្រេស៊ីល Neymar ទើបទទួលបានទទួលដំណឹងនេះក្នុងកំឡុងពេលសម្រាកវគ្គទី១ នៅក្នុងការប្រកួត។
ក្រោយចូលដល់វគ្គទី២ Neymar បានសម្រេចគ្រាប់ទី២របស់ខ្លួនឲ្យ PSG នៅនាទីទី៥២ ដោយការទាត់បាល់ពិន័យ១១ម៉ែត្រ។ ភ្លាមក្រោយពីការទាត់ចូលនោះ Neymar បានរត់មកកាន់មុខកាម៉ារ៉ានិងបានលើកម្រាមដៃបង្ហាញជាលេខ២៤ ដែលជាលេខអាវរបស់ Kobe Bryant ពាក់នៅក្លិប Los Angeles Lakers។
បន្ថែមលើសពីនេះ ខ្សែប្រយុទ្ធវ័យ២៧ឆ្នាំរូបនេះក៏បានចង្អុលដៃទៅលើ (ឋានសួគ៍) ផងដែរ មុនពេលដែលគេដើរត្រឡប់ចូលក្នុងទីលានវិញជាមួយមិត្តរួមក្រុម។
ក្រោយបញ្ចប់ការប្រកួត កីឡាករដែលមានតម្លៃខ្លួនថ្លៃជាងគេនៅលើលោករូបនេះបានប្រាប់អ្នកកាសែតយ៉ាងដូច្នេះថា៖
គួរឲ្យដឹងដែរថា អតីតកីឡាករបាល់បោះដែលឈ្នះមេដាយមាស ៣លើកក្នុងព្រឹត្តិការណ៍កីឡាករអូឡាំពិកឲ្យសហរដ្ឋអាមេរិក Kobe Bryant និងមនុស្ស៨នាក់ផ្សេងទៀត ក្នុងនោះមានកូនស្រីរបស់លោកម្នាក់ឈ្មោះ Gianna បានស្លាប់នៅក្នុងឧបទេវហេតុធ្លាក់ឧទ្ធម្ភាគចក្រ នៅទីក្រុង Calabasas រដ្ឋ California កាលពីថ្ងៃអាទិត្យម្សិលមិញ៕
ប្រភព៖ DailyMail