រាជធានីភ្នំពេញ ៖បុរសម្នាក់បានរងរបួសយ៉ាងធ្ងន់ធ្ងរដោយសារស្រវឹងជិះម៉ូតូបោះ ពួយទៅបុកគូទរថយន្តដឹកដីដែលកំពុងឈប់ចតស្ងៀម ហើយក្រោយពេលកើតហេតុមានរថយន្តពេទ្យឯកជនពីរទៅបីគ្រឿងទៅដល់ ប៉ុន្តែមិនហ៊ានដឹកយកទៅសង្គ្រោះនោះទេ ដោយសារឃើញរបួសធ្ងន់ធ្ងរពេករហូតជាង១ម៉ោង ក្រោយទើបមានរថយន្តពេទ្យរដ្ឋ១គ្រឿងទៅដល់ដឹកជនរងគ្រោះទៅកាន់ មន្ទីរពេទ្យដើម្បីសង្គ្រោះបន្ទាន់។
ឧប្បត្តិហេតុគ្រោះថ្នាក់ចរាចរណ៍នោះបានកើត ឡើងកាលពីវេលាម៉ោង១០និង៣៥នាទីយប់ថ្ងៃទី២៦ មីនា ២០១២ នៅលើកំណាត់ផ្លូវចោមចៅ ត្រង់ចំណុចភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ ជនរងគ្រោះមិនត្រូវបានគេស្គាល់អត្តសញ្ញាណនោះទេ ជិះម៉ូតូមួយគ្រឿងម៉ាកវីវ៉ា ពណ៌ខ្មៅ ស៊េរីឆ្នាំ៩៨ បិទតែមឆ្នាំ ២០០៧ ហើយតាមការអះអាងពីប្រជាពលរដ្ឋឱ្យដឹងថា នៅជាប់នឹងខ្លួនបុរសនោះគេឃើញមានកាតអង្គរក្សមួយសន្លឹក កាតយោធា១សន្លឹក និងកាតក្រសួងមហាផ្ទៃ១សន្លឹក ដែលនៅក្នុងកាតនោះមានឈ្មោះខុសគ្នាទាំងអស់ពុំដឹងថា ឈ្មោះពិតប្រាកដមួយណានោះទេ ហើយកាតទាំងនោះត្រូវប៉ូលិសដកហូតយកទៅទុកទាំងអស់ ៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]