បរទេស៖ លោក Justin Bieber គ្រប់គ្នាច្បាស់ជាបានស្គាល់លោក ដែលលោកបានចូលធ្វើជាតារាម្រៀងដំបូងតាំងតែលោកនៅវ័យក្មេងមកម្ល៉េះ អ្វីដែលពិសេស លោកជាតារាវ័យក្មេងម្នាក់មានការគាំទ្រច្រើនពី បណ្ដាហ្វេនៗទូទាំងប្រទេស។ ដោយលោកជាតារាចម្រៀងម្នាក់មានភាពល្បីល្បាញផងនោះ លោក ក៏មានហ្វេនៗនារីៗជាច្រើនលង់នឹងភាពសង្ហារបស់លោកទៀតផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបី លោកជាតារាល្បីខ្លាំង យ៉ាងណាក៏ដោយ ក៏លោកធ្លាប់មានរឿងអាស្រូវជាច្រើន ដែលពាក់ព័ន្ធនឹងលោកផ្ទាល់ ជាពិសេសរឿងមនុស្សស្រី ដែលលោកធ្លាប់មានសង្សារច្រើន មិនស្ទើរនោះទេ ។ ដោយកាលពីកន្លងទៅ លោកក៏បានសម្រេចចិត្តរៀបការ ជាមួយតារាម៉ូដែលម្នាក់មានឈ្មោះថា Hailey ដែលលោកបានរៀបការកាលពីឆ្នាំ២០១៩ ។
យ៉ាងណាមិញ ប្រិយមិត្តដែលជាហ្វេន Justin Bieber ផ្ទាល់ច្បាស់ជាចង់ដឹងពីប្រវត្តិស្នេហាលោកកាលពីមុនហើយថា ទម្រាំលោកសម្រេចចិត្តរៀបការជាមួយ Hailey លោកធ្លាប់មានសង្សារប៉ុន្មាននាក់ រួចមកហើយ ក្នុងនោះដែរ មុនពេលលោកសម្រេចចិត្តរៀបការជាមួយ Hailey លោកធ្លាប់មានសង្សារហូតដល់ ៤៦នាក់ ដែលសង្សារពីមុនលោកមានដូចជា៖
១. Baskin Champion ក្នុងឆ្នាំ២០១៨ តាមវិបសាយ E! News បានឲ្យដឹងថា Justin Bieber និងតារាម៉ូដែល Baskin Champion ចាប់ផ្តើមទាក់ទងជាមួយគ្នា កន្លងពេលរឿងរ៉ាវស្នេហារវាង Justin ជាមួយ Selena Gomez មិនទាន់ចុះសម្រុងគ្នា។ តាមប្រភព E! News បានចេញផ្សាយថា៖
២. Fiona Barron ក្នុងឆ្នាំ២០១៧ ព័ត៌មានបានចេញផ្សាយថា Justin បានសុំលេខទូរស័ព្ទពីមិត្តភក្តិរបស់ Fiona ប៉ុន្មានថ្ងៃក្រោយមកគេគ៏ប្រទះឃើញ Justin និង Fiona ចេញក្រៅដើរលេងជាមួយគ្នា។
៣. Paola Paulin កាលពីខែតុលា ឆ្នាំ២០១៧ Justin Bieber ដែលបានត្រូវគេប្រទះឃើញធ្វើដំណើរទៅកាន់ព្រះវិហារយេស៊ូដែលខ្លួនតែងតែទៅរាល់ដងនៅតំបន់ Los Angeles ប៉ុន្តែពេលនោះបាននាំមិត្តស្រីថ្មី Paula Paulin ទៅជាមួយដែរ។ អ្វីដែលគួរឲ្យចាប់អារម្មណ៍នោះគឺ គ្រាន់តែអ្នកទាំងពីរមកដល់ សង្សារចាស់របស់ Justin គឺ Kourtney Kardashian និង Hailey Baldwin ក៏ស្រាប់តែបង្ហាញខ្លួននៅទីនោះដែរ។
៤. Audreyana Michelle
៥. Gabriella Lenzi
៦. Michelle Cardona
៧. Sahara Ray កាលពីខែសីហា ឆ្នាំ២០១៦ មានការបែកធ្លាយរូបថតរបស់ម្ចាស់បទ”Love Yourself” ទៅលំហែកាយនៅកោះហាវៃជាមួយតារាបង្ហាញម៉ូតអូស្រ្តាលី Sahara។ ទោះជាយ៉ាងណា នាងក៏ដូចសង្សារមុនៗរបស់Justinដែរ គឺសេពគប់គ្នាមិនបានយូរទេ។
៨. Amanda Cerny
៩. Nicola Peltz
១០. Laura Carter
១១. Kourtney Kardashian Kourtney គឺជាបងស្រីរបស់តារាម៉ូដែល Kim Kardashian កាលពីឆ្នាំ២០១៧ Kourtney បានបង្ហើបប្រាប់ទៅមិត្តភ័ក្ដិរបស់នាងថា៖
១២. Cindy Kimberly
១៣. Lira Galore
១៤. Ashley Moore
១៥. Scarlett Leithold កាលពីឆ្នាំ២០១៤ Justin បានបង្ហោះរបស់ Scarlett Leithold លើ Twitter ដោយសរសេរថា "នារីដ៏ស្រស់ស្អាត" ។ ភ្លាមនោះអ្នកគាំទ្របានឃើញរូបបង្ហោះនេះគេដឹងថា Justin កំពុងចង់ចែចង់ Scarlett ។
១៦. Alyssa Arch
១៧. Kayla Phillips
១៨. Kylie Jenner Kylie បានប្រាប់ ELLE UK ថា “ខ្ញុំជិតដិតខ្លាំងនឹង Justin Bieber ព្រោះខ្ញុំមានអារម្មណ៍ថាពួកយើងពីរនាក់ហាក់បានឆ្លងកាត់រឿងរ៉ាវស្រដៀងគ្នា ទោះនៅទីផ្សេងពីគ្នា… គ្រប់ពេលជួបគ្នា Justin តែងតែស្វាគមន៍ខ្ញុំយ៉ាងកក់ក្ដៅ។ ពពេលណាពួកយើងជួបគ្នា Justin តែងហៅឱ្យខ្ញុំអង្គុយក្បែរ ហើយសួរថាយ៉ាងម៉េចហើយ? ហើយថែមទាំងសរសើរថា ខ្ញុំអស្ចារ្យដែលអាចឆ្លងកាត់រឿងកន្លងមក និងប្រាប់ឱ្យខ្ញុំទទួលស្គាល់ការពិតចំពោះខ្លួនឯង។ Justin ជួយជួយខ្ញុំច្រើនណាស់។" នេះហើយជាមូលហេតុដែលអ្នកគាំទ្រមិនគិតថាពួកគេត្រឹមតែមិត្ត។
១៩. Chantel Jeffries តារាចម្រៀងJustin បានសេពគប់តារាល្បីៗជាច្រើនរួចមកហើយមុននឹងមកជួបនឹងតារាបង្ហាញម៉ូត Chantel។ តែអ្វីដែលគួរឲ្យកត់សម្គាល់ជាមួយនឹងគូនេះគឺ គេឃើញកញ្ញាChantel ស្លៀកឈុតដដែលដែលនាងបានស្លៀកនៅពេលយប់មិញចេញពីសណ្ឋាគារដែលJustinស្នាក់នៅ។
២០. Tati Neves
២១. Carlin Russo
២២. Jacque Pyles
២៣. Jordan Ozuna
២៤. Milyn Jenson
២៥. Jasmine Villegas ក្នុងឆ្នាំ ២០១០ ក្រោយ Jasmine ដើរតួក្នុងបទចម្រៀង “Baby” ដោយ Justin បានចំណាយពេលរាប់ខែក្នុងការបង្កើតទំនាក់ទំនងស្នេហាជាមួយនាង។
២៦. Kristen Rodeheaver Kristen ជាតារាសម្ដែងក្នុងវីដេអូបទចម្រៀង “One Time” របស់ Justin Bieber កាលពីឆ្នាំ២០០៩ នាងក៏ធ្លាប់ជាគូស្នេហ៍របស់ Justin ផងដែរ។
២៧. Mandy Rain គូស្នេហ៍មួយគូនេះ ជួបគ្នាដំបូងក្នុងឆ្នាំ ២០០៩ នៅសាលារៀន។ ទំនាក់ទំនងរបស់ពួកគេកាន់តែស្អិតល្មួតរហូតដល់ Mandy ត្រូវបានជ្រើសរើសធ្វើជាតួស្រីក្នុងបទចម្រៀង “As Long As You Love Me” របស់ Justin ថែមទៀតផង។
២៨. Jessica Jarrell Jessica មានភាពជិតស្និទ្ធជាមួយ Justin Bieber ជាយូរមកហើយ។ ក្នុងការប្រគំតន្ត្រីទេសចរណ៍ឆ្នាំ ២០១០ របស់ Justin ពួកគេបានសម្ដែងអាកប្បកិរិយាស្និទ្ធស្នាលនឹងគ្នាខ្លាំងរហូតធ្វើឲ្យមានការសង្ស័យពីទំនាក់ទំនងរបស់ពួកគេ។
២៩. Caitlin Beadles Caitlin គឺគួរតែជាគូស្នេហ៍ដំបូងរបស់ Justin Bieber ។ នាងជាបងប្អូនស្រីរបស់មិត្តជិតស្និទ្ធរបស់ Justin ហើយពួកគេមានទំនាក់ទំនងជាមួយគ្នាបាន២ឆ្នាំដែរ។
៣០. Adriana Lima Lima គឺជាតារាម៉ូដែលរបស់ Victorias Secret ហើយក្នុងឆ្នាំ២០១៤ នាងនិង Justin បានថតរូបយ៉ាងជិតស្និទ្ធជាមួយគ្នា នៅពេលយប់នៅឯមហោស្រពភាពយន្តបន្ទាប់ពី Lima បានចែកផ្លូវជាមួយអតីតស្វាមីអ្នកលេងបាល់បោះ Marko Jaric ។
៣១. Jayde Pierce កញ្ញា Jayde Pierce គឺជាតារាបង្ហាញម៉ូតអង់គ្លេសដែលមានអ្នកគាំទ្រតាមYouTubeច្រើនជាងគេ។ ចំពោះទំនាក់ទំនងស្នេហាជាមួយតារាចម្រៀងវ័យក្មេង Justin Bieber នាងត្រូវគេចាត់ទុកថាគ្រាន់តែជា “ អ្នកនៅក្នុងBackgroundរូបថតរបស់Justin ” នៅក្នុងឆ្នេរសមុទ្រBora Bora នៅឆ្នាំ២០១៥។ ទន្ទឹមគ្នានេះដែរ ភាគីខាងប្រុសJustin បានបកស្រាយនៅក្នុងកម្មវិធីEllenថា Jaydeគឺគ្រាន់តែជាមិត្តភក្ដិរបស់លោកប៉ុណ្ណោះ។
៣២. Madison Beer ក្នុងឆ្នាំ២០១៤ Justin បានធ្វើរឿងភ្ញាក់ផ្អើលដោយយកខំខួបកំណើតមកជូនពរ Madison នៅលើឆាកផ្ទាល់ ខណៈក្នុងពេល Justin បានសម្ដែងការប្រគំតន្រ្តី Tour របស់លោក។ មិនត្រឹមតែប៉ុណ្ណោះ Madison បានទៅដល់កន្លែង Studio របស់ Justin ផ្ទាល់និងបានថតរូបជិតស្និទ្ធជាមួយគ្នាទៀតផង។
៣៣. Rita Ora កាលពីឆ្នាំ២០១៦ តារាចម្រៀងស្រីអង់គ្លេស Rita Ora បានចេញមុខការពារ Justin Bieber ពាក់ព័ន្ធនឹងការវាយអ្នក គាំទ្រម្នាក់ឈ្មោះ Kevin Ramirez ឲ្យបែកបបូរមាត់នៅខាងក្រៅកីឡាដ្ឋាន Palau Sant Jordi ដែលជាទីកន្លែងដែល Justin ធ្វើប្រគំតន្ត្រីទេសចរណ៍ Purpose នៅទីក្រុង Barcelona ប្រទេសអេស្ប៉ាញ។ Rita អតីតគណៈកម្មការកម្មវិធី X Factor កាលពីឆ្នាំ ២០១៥ នាងអះអាងថា "Justin មានភាពភ័យខ្លាច និងមិនទុកចិត្ត។ ខ្ញុំមិននិយាយលើនរណាម្នាក់ទេ ប៉ុន្តែត្រូវដឹងពី Justin និងភាពល្បីល្បាញរបស់គេ ខ្ញុំគិតថាវាមានភាពភ័យខ្លាច និងមិនទុកចិត្តពេលដែលនរណាលូកដៃមកប៉ះខ្លួន ដូច្នេះគេវាយដោយសារការពារខ្លួនឯង។" មូលហេតុដែលសុខៗ Rita ចេញមុខមកនិយាយការពារ Justin ក៏ព្រោះតែងមួយរយៈនោះ Justin និង Rina បានបង្ហោះរូបយ៉ាង Sweet ជាមួយគ្នា។ ក្រោយរូបភាពបែកធ្លាយ សារព័ត៌មានបានចេញផ្សាយថាអ្នកទាំងពីរបានលួចទាក់ទងគ្នាស្ងាត់ៗ។
៣៤. Miley Cyrus ទំនាក់ទំនងរបស់តារាទាំង២រូបនេះ កើតមានឡើងក្នុងឆ្នាំ ២០១២ ក្រោយ Justin ចែកផ្លូវគ្នាជាមួយ Selena Gomez។
៣៥. Barbara Palvin តារាម៉ូដែលរូបនេះធ្លាប់មានឈ្មោះជាមិត្តស្រីរបស់ Justin នៅពេលពួកគេត្រូវបានប្រទះឃើញចំណាយពេលជាមួយគ្នានៅក្នុងរោងកុន Broadway។
៣៦. Miranda Kerr Justin បានធ្វើឲ្យភ្ញាក់ផ្អើលខ្លាំង បន្ទាប់ពី Justin ចូលរួមសម្តែងក្នុងកម្មវិធី Victoria’s Secret រួច លោកក៏បានថើប Miranda ។
៣៧. Hailee Stienfeld ក្នុងឆ្នាំ២០១៧ Hailee និង Justin បានបែកធ្លាយរូបអ្នកទាំងពីរណាត់ជួបគ្នានៅក្នុងភោជនីយដ្ឋានមួយកន្លែង។
៣៨. Yovanna Ventura កាលពីឆ្នាំ២០១៤ អ្នកបង្ហាញម៉ូតវ័យក្មេង Yovanna បានទទួលស្គាល់ថានាងនិង Justin កំពុងសេពគប់គ្នា។ ជាមួយគ្នានេះដែរ Justin ក៏បានអញ្ជើញនាងទៅលេងស្ទីឌីយ៉ូថតសម្លេង Miami ផងដែរ។ អ្នកទាំងពីរតែងតែបានបង្ហាញរូបថតផ្អែមល្ហែម នៅលើបណ្ដាញសង្គមវេបសាយជាញឹកញាប់។
៣៩. Ariana Grande រាល់ពេល Justin និង Ariana ជួបគ្នាពួកគេពិតជាមានភាពជិតស្និទ្ធខ្លាំង ដែលធ្វើឲ្យគ្រប់គ្នាគិតថាអ្នកទាំងពីរមិនត្រឹមតែជាមិត្តនឹងគ្នាទេ។ សារព័ត៌មាន តែងចេញផ្សាយអ្នកទាំងពីរពិតជាមានអារម្មណ៍ល្អហ្នឹងគ្នាខ្លាំងណាស់ ពួកគេតែងឪបគ្នាទាំងនៅលើឆាកនិងក្រៅឆាកជានិច្ច។
៤០. Shanina Shaik កាលពីខែកក្កដា ឆ្នាំ២០១៤ Justin បានធ្វើឲ្យកក្រើកពិភពពត៌មាន ដោយបែកធ្លាយថា Justin បានជិះទូកក្តោងលំហែកាយជាមួយកំពូលតារាបង្ហាញម៉ូតរបស់ Victoria's Secret គឺកញ្ញា Shanina Shaik ។
៤១. Kendall Jenner ពិភពសិល្បៈហាក់ដូចជាតូចណាស់សម្រាប់ពួកតារាៗ។ ជាក់ស្ដែងកាល Selena សេពគប់ជាមួយ Justin ក៏មានការបែកធ្លាយពាក្យចចាមអារ៉ាមថា Kendall មិត្តភក្តិរបស់ Selena មានទំនាក់ទំនងស្នេហាជាមួយនឹង Justin ដែរ។ ទោះជាយ៉ាងណា ទាំង Justin និង Kendall មិនបានប្រកាសពីទំនាក់ទំនងស្នេហានេះទេ តែគេឃើញមានរូបថត Justin កាន់ដៃ Kendall ក្នុងឈុតប៊ីគីនី។
៤២. Sofia Richie នៅក្នុងជំនួបជាមួយទស្សនាវដ្ដី Billboard តារាបង្ហាញម៉ូដដ Sofia Richie បានបើកចិត្តចែករំលចែករំលែកពីរឿងស្នេហារបស់ខ្លួនជាមួយ Justin Bieber ។ “ រវាងខ្ញុំនិង Justin គឺមានទំនាក់ទំនងពិសេសមួយ។ Justin គឺជាមនុស្សដែលងាយនិយាយគ្នា ហើយមនុស្សដូចគេគឺពិបាករកខ្លាំងណាស់ ”។ ក្រោយទាក់ទងគ្នាបានមួយរយៈ រួចមកក៏បែកគ្នា Justin បានចេញមុខប្រាប់សារព័ត៌មានថា “ ទំនាក់ទំនងរបស់ខ្ញុំ និងSofia នៅតែបន្តទោះបីបែកបាក់ក្នុងផ្លូវស្នេហាក៏ដោយ ប៉ុន្តែយើងនៅតែជាមិត្តដែលធ្លាប់ស្និទ្ធស្នាលនឹងគ្នា ”។
៤៣. Jennifer Lawrence តារាសម្ដែង Jennifer Lawrence អាចត្រូវបានអ្នកគាំទ្ររបស់ Justin Bieber ស្អប់ច្រើន ក្រោយរូបនាងបានបដិសេធស្នេហារបស់ Justin កាលពីឆ្នាំ ២០១៥។ Justin បានសារភាពក្នុងកិច្ចសម្ភាសន៍មួយថា Jennifer គួរឲ្យស្រលាញ់ណាស់។ ទោះជាយ៉ាងណាក៏ដោយ អំឡុងពេល Jennifer ចូលរួមក្នុងកម្មវិធី “Watch What Happens Live” ហើយអ្នកគាំទ្របានសួរនាងថា បានទាក់ទងគ្នាជាមួយ Justin ឬក៏អត់ Jennifer បានឆ្លើយតបភ្លាមៗថា៖ “ ខ្ញុំនិង ឆ្លើយសំនួរនេះដោយគ្មានការគួរសមទេ ”។
៤៤. Rihanna ជាមួយគ្នានេះដែរ មុនបានជួប Jennifer Lawrence តារាចម្រៀង Justin បានធ្លាប់សុំ Rihanna ឲ្យធ្វើការណាត់ជួបគ្នាជាមួយលោក ខណៈ Justin មានវ័យត្រឹម ១៦ឆ្នាំ ប៉ុណ្ណោះ។ ទោះជាយ៉ាងណា Rihanna បានធ្វើការបដិសេធយ៉ាងសមរម្យថា Justin នៅក្មេងណាស់សម្រាប់នាង។
៤៥. Selena Gomez គូស្នេហ៍មួយនេះគឺជាគូស្នេហ៍ផ្លេកបន្ទោរ ដែលម្ដងត្រូវគ្នា ម្ដងបែកគ្នា។ Justin និង Selena គឺបានសេពគប់គ្នាតាំងតែពីនៅក្មេងជំទង់ៗម្ល៉េះក្នុងឆ្នាំ ២០១០។ អ្នកទាំងពីរបានសាងអនុស្សាវរីយ៍រួមគ្នាយ៉ាងច្រើន។ ហើយទំនាក់ទំនងរបស់អ្នកទាំងពីរគឺច្របូកច្របល់ជាងគេ បន្ទាប់ពីទាក់ទងគ្នាដោយគ្នាមានបញ្ហាច្រើនពេក ចំណងស្នេហ៍របស់អ្នកទាំងពីរត្រូវបានបញ្ចប់។
៤៦. Hailey Baldwin (បច្ចុប្បន្នជាប្រពន្ធផ្លូវការ) • 2009 Hailey បានជួប Jutsin ដំបូងកាលពីឆ្នាំ ២០០៩ តាមរយៈការណែនាំរបស់ឪពុករបស់នាង។ ប្រភពព័ត៌មានថែមទាំងបានឲ្យដឹងទៀតថា Hailey មិនមែនត្រឹមតែជា Fan របស់ Justin ទេ នាងក៏ជាអ្នកគាំទ្រគូស្នេហ៍ Jelena (ឈ្មោះគូស្នេហ៍របស់ Justin និង Selena) ដែរ។ មានម្ដងនាងធ្លាប់ទាំងបានបង្ហោះសារមួយលើ Twitter បញ្ជាក់ពីការគាំទ្រស្នេហារបស់ Justin និង Selena។
ឆ្នាំ ២០១៤ នៅឆ្នាំ ២០១៤ ក្រោយ Justin បែកពី Selena មួយរយៈ Justin ក៏បានបង្ហោះរូបភាពលោកជាមួយ Hailey លើ Instagram របស់ខ្លួន ជាមួយ Caption "New York ជាមួយមិត្តភ័ក្ដិ" បន្ទាប់មក ទំនាក់ទំនងអ្នកទាំងពីរក៏ប្រែជាស្និទ្ធស្នាល និងតែងបង្ហាញមុខជាមួយគ្នាជារឿយៗ។
ឆ្នាំ ២០១៥ ៦ឆ្នាំ ក្រោយស្គាល់គ្នា Justin និង Hailey ក៏ត្រូវបានគេប្រទះឃើញទៅញ៉ាំអីជាមួយគ្នាញឹកញយនៅក្រៅ មានពេលខ្លះទៅមើលកុន ហើយទៅលេងផ្ទះគ្នាទៅវិញទៅមកទៀត។ មិនត្រឹមតែប៉ុណ្ណោះ ពួកគេក៏តែងចំណាយពេលសម្រាកលំហែជាមួយគ្នាជារឿយៗ ជាហេតុធ្វើឲ្យបណ្ដាញផ្សព្វផ្សាយកាន់តែចាប់អារម្មណ៍។
ឆ្នាំ ២០១៦ ពេលនោះហើយ ដែល Justin ទទួលស្គាល់ថា លោកទាក់ទងគ្នាជាមួយនឹង Hailey ដោយផុសរូបថតថើបគ្នាលើ Instagram។ ក្នុងបទសម្ភាសមួយ Justin បានប្រាប់ថា "Hailey គឺជានារីដែលខ្ញុំស្រឡាញ់ខ្លាំង ប៉ុន្តែខ្ញុំក៏មិនចង់ជាប់ចំណងតឹងពេកដែរ។ ខ្ញុំដឹងថាកន្លងមកខ្ញុំធ្លាប់ធ្វើឲ្យមនុស្សជាច្រើនឈឺចាប់ ឬក៏ពេលខ្លះធ្វើឲ្យពួកគេមិនសប្បាយចិត្ត។" យ៉ាងណាមិញ បើតាមវិបសាយ People បានឲ្យដឹងថា Justin ក៏ធ្លាប់ Unfollow Hailey លើបណ្ដាញសង្គមដែរ ដោយសារតែមិនពេញចិត្តនឹងទំនាក់ទំនងនាងជាមួយ Drake ។ បែបនេះហើយ ពួកគេក៏ផ្ដាច់ទំនាក់ទំនងជាមួយគ្នាមួយរយៈ សូម្បីពិភាក្សារឿងផ្សេងៗដូចមុនក៏លែងមាន មានន័យថាពួកគេស្ងាត់រៀងខ្លួន។
ឆ្នាំ ២០១៨ Justin និង Hailey ក៏ត្រូវគេប្រទះឃើញនៅជាមួយគ្នាជាថ្មី នៅព្រះវិហារមួយកន្លែង ស្ថិតក្នុងទីក្រុង Miami។ អ្វីៗក៏ប្រែជាល្អវិញ ក្រោយព្យុះភ្លៀងបានកន្លងផុត ហើយចាប់ពីពេលនោះមក ពួកគេក៏មានពេលរីករាយជាមួយគ្នាដូចដែលធ្លាប់ធ្វើពីមុន។ រយៈពេលខ្លីប៉ុណ្ណោះ ទាំង Justin និង Hailey កាន់តែស្អិតល្មួត សឹងមិនគួរឲ្យជឿ។ ក្រោយមកមិនប៉ុន្មាន ក៏មានសេចក្ដីរាយការណ៍ពីវេបសាយ TMZ ថា Justin Bieber បានសុំ Hailey Baldwin រៀបការ។ ឈានចូលដល់ថ្ងៃទី ២៣ ខែវិច្ឆិកា ឆ្នាំ២០១៨ Justin បានបញ្ជាក់ថា លោកបានរៀបការជាមួយ Hailey រួចហើយ ដោយចុះអេតាសុីវិល។
ឆ្នាំ ២០១៩ បន្ទាប់គម្រោងរៀបការខកខានជាច្រើនលើក ទើបបង្កជាការព្រួយបារម្ភសម្រាប់គូស្នេហ៍ ១គូនេះ ក្នុងការជ្រើសយកថ្ងៃណាមួយប្រារព្ធពេលដ៏មានន័យក្នុងជីវិត។ រង់ចាំជាយូរ ថ្ងៃល្អនោះក៏បានមកដល់ ពោលនៅថ្ងៃទី៣០ ខែកញ្ញា ឆ្នាំ ២០១៩ Justin និង Hailey ក៏បានចូលក្នុងព្រះវិហារទទួលយកគ្នាជាប្ដីប្រពន្ធពេញមុខពេញមាត់នៅចំពោះមុខសាច់ញាតិគ្រួសារ និងមិត្តភ័ក្ដិជិតស្និទ្ធជាច្រើននាក់៕
ប្រភព៖ Justin Bieber-CAMBODIAfan
សូមទស្សនារូបភាពខាងក្រោម៖