Toey និង Taew ដូចកូនភ្លោះ ពេលដែលអត់ Make up បែបនេះ

ជប៉ុន៖ ធ្វើឱ្យអ្នកគាំទ្រមានភាពភ្ញាក់ផ្អើលទៀតហើយ ចំពោះ តារាសម្ដែងស្រីដ៏ល្បី ២ រូប គឺ នាង Toey Jarinporn និង Taew Natapohn ដែលបានបង្ហោះរូបភាពនៅលើបណ្ដាញសង្គម Instagram ដើម្បីស្វាគមន៍ដល់អ្នកគាំទ្រ ពីដំណើរកម្សាន្តទៅកាន់ប្រទេសជប៉ុនផងដែរ។

ចំពោះភាពស្និទ្ធស្នាលរវាង Toey និង Taew ដែលត្រូវបានគេមើលឃើញថា អ្នកទាំងពីរកាន់តែមានភាពជិតស្និទ្ធឡើងៗជារៀងរាល់ថ្ងៃ ហើយអ្វីដែលកាន់តែពិសេសនោះគឺ កាលពីពេលថ្មីៗនេះ អ្នកទាំងពីរបានបង្ហោះរូបថតជាមួយគ្នា ដែលអាចឲ្យឃើញពីមុខមាត់យ៉ាងច្បាស់ពីតារាស្រីទាំងពីរនាក់នេះ។

នៅក្នុងនោះដែរ អ្នកទាំងពីរ គឺពិតជាមានភាពស្រស់ស្អាត ដោយមុខមាត់របស់អ្នកទាំងពីរគ្មានការតុបតែងអ្វីនោះទេ ហើយម៉្យាងវិញទៀត នៅក្នុងសភាពបែបនេះ អ្នកទាំងពីរកាន់តែមានមុខមាត់ប្រហាក់ប្រហែលគ្នា គឺដូចជាកូនភ្លោះនឹងគ្នាណាស់ ទាំងដែលមុខនៅក្មេងនិងគួរឱ្យស្រលាញ់ទៀតផង។

បើទោះបីជាអ្នកទាំងពីរ បានបង្ហាញរូបភាពដែលគ្មានការផាត់មុខ ខណៈពេលដែលមើលទៅគួរឱ្យស្រលាញ់និងដូចក្មេងស្រីជំទង់ ប៉ុន្តែគេស្ទើរតែមិនជឿនោះទេថា ពេលនេះ Toey និង Taew គឺមានអាយុ ៣០ ឆ្នាំហើយទៅហើយ៕

ចង់ជ្រាបច្បាស់ សូមទស្សនារូបភាពខាងក្រោម៖