ចិន៖ ជំងឺវីរុសថ្មី Corona ដែលជាជំងឺឆ្លងតាមរយៈផ្លូវដង្ហើមដូចជាជំងឺសារ និងមានរោគសញ្ញា ស្រដៀង និង ជំងឺផ្តាសាយធំ បាននិងកំពុងតែរាតត្បាតទៅកាន់ប្រទេសជាច្រើន ដោយជំងឺនេះផងដែរមានប្រភពផ្ទុះឡើងពីខេត្ត វូហាន ប្រទេសចិន ដែលគេសង្ស័យថាឆ្លងតាមរយៈហាងលក់សាច់សត្វព្រៃខុសច្បាប់ នៅក្នុងហាងទីក្រុងនោះតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្រៅពីប្រជាជននៅក្នុងខេត្ត វូហាន និងទូទាំងប្រទេសចិនផ្ទាល់ កំពុងតែជួបហានិភ័យ និងរងការភ័យខ្លាចយ៉ាងខ្លាំង តែអ្នកដែលប្រឈមមុខ និង ការឆ្លងវីរុសនេះនៅតែមានការកើនឡើង ដែលមានវេជ្ជបណ្ឌិតមានការប្រឹងប្រែងទាំងកម្លាំងកាយ កម្លាំងចិត្ដដើម្បីថែទាំអ្នកជំងឺ រួមទាំងស្រាវជ្រាវពីវិធីព្យាបាលផ្សេងៗផងនោះ គឺជាក្រុមវេជ្ជបណ្ឌិតក្នុងប្រទេសចិនផ្ទាល់តែម្ដង ។ ដោយសារតែ ខ្លាចមានការឆ្លងកាន់តែច្រើនឡើង ដូច្នេះក៏មានការប្រកាស និងវិធីការពារខ្លួនមួយចំនួនដល់ប្រទេសជិតខាងទាំងអស់ ជាពិសេសនៅព្រំព្រទល់ ឬព្រលានយន្តហោះនានា ឲ្យពាក់ម៉ាស ឬស្លៀកពាក់ខោអាវវែងៗ ក្រាស់ៗ ដើម្បីជាការការពារកុំឲ្យមានបញ្ហាឆ្លង។
កាលពីថ្ងៃទី ២៤ ខែមករា លោក Peng Zhiyong ដែលជាប្រធានការិយាល័យវេជ្ជសាស្រ្តផ្នែកជំងឺធ្ងន់ នៃមន្ទីរពេទ្យចុងណាននៃសកលវិទ្យាល័យ Wuhan និងសហការីរបស់លោកបានព្យាបាលអ្នកជំងឺ នៅបន្ទប់ដេកពេទ្យសម្រាប់អ្នកជំងឺធ្ងន់នៃមន្ទីរពេទ្យមួយនេះ។ គ្រូពេទ្យដែលបានស្លៀកពាក់សម្លៀកបំពាក់ការពារក្រាស់ៗ ពិបាកស្គាល់មុខគ្នា ហេតុដូច្នេះ ពួកគាត់បានសរសេរឈ្មោះរបស់ខ្លួនលើសម្លៀកបំពាក់ការពារ ដើម្បីស្គាល់គ្នាច្បាស់ជាងនេះអ្វីដែលកាន់តែពិសេសពួកគាត់ថែមទាំងបានគូរគំនូរ និងសារមួយចំនួននៅលើសម្លៀកបំពាក់របស់មិត្តរួមកការងារផងដែរ ដើម្បីផ្ញើការជូនពរដល់មិត្តរួមការងារ និង បានលើកទឹកចិត្តដល់គ្នាថែមទៀតផង ៕
សូមទស្សនារូបភាពខាងក្រោម៖
Bong I.T