អាណិតណាស់! លោកតាធាក់ស៊ីក្លូ ពិកាដៃ ព្រះជន្ម៨៥ឆ្នាំនៅខំប្រឹងរកលុយ ដើម្បីជីវិត តែសំណាងត្រូវតារាហ្វេសប៊ុកស្រីអូន ជួយ.... (មានវីដេអូ)

ភ្នំពេញ៖ ប្រិយមិត្តមួយចំនួនប្រាកដជាបានជ្រាបហើយថា តារាហ្វេសប៊ុកចិត្តធម៌ស្រីអូន តែងតែជួយដល់អ្នកក្រីក្រលំបាកជាច្រើននៅលើបណ្តាញសង្គម រហូតមានការពេញចិត្ត និងសរសើរយ៉ាងខ្លាំងពីទឹកចិត្តរបស់នាងតាមរយៈបណ្តាអ្នកលេងហ្វេសប៊ុក។

ជាក់ស្តែង កាលពីម្សិលមិញនេះ គឺជាថ្ងៃទី១ នៃពិធីបុណ្យប្រពៃណីជាតិចិន ដែលក្នុងនោះនាងបានធ្វើអំពើល្អគួរឲ្យសរសើរ ដោយបានចែកជាអាំងប៉ាវដល់អ្នកប្រមូលសំរាម ដែលមិនបានសម្រាកជួបជុំគ្រួសារ ក៏ដូចជាចាស់ជរា លោកតាធ្លាក់ស៊ីក្លូជាច្រើននាក់ នៅតាមដងផ្លូវខំរកប្រាក់រកពេលសម្រាកមិនឃើញ។

អ្វីដែលធ្វើឲ្យមហាជនជាច្រើនក្តុកក្តួលខ្លាំងនោះគឺ នៅក្នុងនោះគឺមានលោកតាធាក់ស៊ីក្លូមួយរូប ដែលមានវ័យ៨៥ឆ្នាំហើយ បច្ចុប្បន្នរស់នៅតែម្នាក់ឯង កូនប្រពន្ធក៏គ្មាន រីឯខ្លួនក៏ពិការដៃយ៉ាងគួរឲ្យអាណិតបំផុត ត្រូវរកប្រាក់ដើម្បីចិញ្ចឹមជីវិតរបស់ខ្លួន ពេលខ្លះសឹងតែគ្មានប្រាក់ទិញបាយហូបក៏មាន។

ជាមួយនឹងការរៀបរាប់បែបនេះ បានធ្វើឲ្យអ្នកលេងបណ្តាញសង្គមជាច្រើន ពិតជាក្តុកក្តួលក្នុងចិត្ត ព្រោះមិននឹកស្មានថា លោកតាមានព្រះជន្ម៨៥ឆ្នាំមកហើយ បែរជាមកត្រូវពិបាកបែបនេះ។ ក៏ប៉ុន្តែនៅក្នុងនោះក៏មានអ្នកនាង ស្រីអូន ដែលមានចិត្តធម៌ បានធ្វើការប្រកាសជួយលោកតាជារៀងរាល់ខែផងដែរ៕

សូមទស្សនាវីដេអូខាងក្រោមនេះ៖