ចិន៖ លោកវេជ្ជបណ្ឌិត Liang Wudong អាយុ៦២ឆ្នាំ មកពីខេត្ត Hubei ត្រូវបានគេសង្ស័យថា បានឆ្លងជំងឺនេះកាលពីថ្ងៃទី១៦ ខែមករា នៅមន្ទីរពេទ្យខេត្ត Hubei ដែលជាមន្ទីរពេទ្យវេជ្ជសាស្ត្រចម្រុះរបស់ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមសារព័ត៌មាន Wuhan Evening Post បានឱ្យដឹងថា ក្រោយការពិនិត្យយ៉ាងល្អិតល្អន់ គេបានរកឃើញថា គាត់បានឆ្លងវីរុសដែលកំពុងរីករាលដាលនៅក្នុងប្រទេសចិននេះ។ ហើយលើសពីនេះ កាលពីប៉ុន្មានថ្ងៃមុន គាត់ធ្លាប់និយាយថា គាត់មានអារម្មណ៍តឹងទ្រូងខ្លាំង និងពិបាកក្នុងការដកដង្ហើម។
លោកវេជ្ជបណ្ឌិត Liang ត្រូវបានគេដាក់ឱ្យនៅដាច់ដោយឡែក ហើយក្រោយមកគេបានគាត់បញ្ជូនទៅមន្ទីរពេទ្យ Jinyintan ប៉ុន្តែដោយសារវីរុសនេះបានវាយលុកធ្ងន់ធ្ងរពេក ទើបក្រុមវេជ្ជបណ្ឌិតមិនអាចសង្រ្គោះជីវិតគាត់បាន។ លោកវេជ្ជបណ្ឌិត Liang ស្លាប់នៅម៉ោង៧ ព្រឹកនេះ។
គួរបញ្ជាក់ផងដែរថា ចំនួនអ្នកស្លាប់ជាផ្លូវការដោយសារវីរុសនៅក្នុងប្រទេសចិននេះ បានកើនឡើងពី ២៦ដល់ ៤១ នាក់ត្រឹមតែរយៈពេលប៉ុន្មានថ្ងៃប៉ុណ្ណោះ ខណៈមនុស្សជាង ១៣០០ នាក់ទៀតបានឆ្លងរីរុសនេះ ស្របពេលដែលអាជ្ញានៅទូទាំងប្រទេសកំពុងរកវិធីសាស្ត្រដើម្បីទប់ស្កាត់ការរីករាលដាល។ វីរុសនេះក៏ត្រូវបានគេរកឃើញផងដែរថា បានបន្តរីករាលដល់ប្រទេសថៃ វៀតណាម សឹង្ហបូរី ជប៉ុន កូរ៉េខាងត្បូង កោះតៃវ៉ាន់ នេប៉ាល់ បារាំង សហរដ្ឋអាមេរិក និងអូស្ត្រាលី៕
Bong I.T