អង់គ្លេស៖ អតីតខ្សែបម្រើរបស់ក្រុមបិសាចក្រហម លោក Darren Fletcher បានជំរុញឲ្យក្លិប Manchester United ចុះកុងត្រាយកខ្សែប្រយុទ្ធ ក្រុម Paris Saint-Germain កីឡាករ Edinson Cavani ឲ្យបានមុនក្រុមតោខៀវ Chelsea។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMan UTD បច្ចុប្បន្នកំពុងជួបវិបត្តិនៅតំបន់ប្រយុទ្ធ បន្ទាប់ពីបាត់បង់ខ្សែប្រយុទ្ធឆ្នើម Marcus Rashford ដោយសាររបួសខ្នង ខណៈជម្រើសជាតិអង់គ្លេសវ័យក្មេងរូបនេះទំនងជាត្រូវសម្រាកក្រៅទីលានរយៈពេល៣ខែ។
ជាមួយគ្នានេះដែរ ក្រុមបិសាចក្រហមត្រូវបានគេផ្ដល់យោបល់ឲ្យទិញខ្សែប្រយុទ្ធវ័យ៣២ឆ្នាំ Cavani ដើម្បីមកជំនួស Rashford ដោយមើលឃើញថា កីឡាករជួមុខរបស់ក្រុម PSG រូបនេះ មានបទពិសោធន៍ច្រើន ស្របពេលដែលតម្លៃខ្លួនរបស់រូបគេទំនងជាមិនថ្លៃនោះទេ ដោយសារកុងត្រារបស់គេនៅស់ពេលត្រឹម៦ខែទៀតប៉ុណ្ណោះជាមួយក្លិបយក្សបារាំង។
យ៉ាងណាមិញ ក្លិបតោខៀវ Chelsea ក៏កំពុងស្វែងរកខ្សែប្រយុទ្ធថ្មី១រូបផងដែរ បន្ទាប់ពីខ្សែប្រយុទ្ធរជួរមុខរបស់លោក Lampard កីឡាករ Tammy Abraham រងរបួសកំឡុងពេលប្រកួតទល់នឹងក្រុម Arsenal កាលពីដើមសប្ដាហ៍នេះ។ ដូច្នេះក្រុម Man UTD ទំនងជាត្រូវប្រឈមជាមួយនឹងក្រុម Chelsea ក្នុងការប្រជែងយក Cavani។
ទន្ទឹមនឹងនេះ លោក Fletcher បានជំរុញឲ្យអតីតក្លិបរបស់លោក ប្រញាប់ប្រញាលចែចូវយកជម្រើសជាតិអ៊ុយរ៉ាហ្កាយឲ្យបាន ដោយលោកបាននិយាយក្នុងទូរទស្សន៍ BBC 5 Live ថា៖
Cavani បច្ចុប្បន្នកំពុងស្ថិតក្នុងរ៉ាដារបស់ក្លិបធំៗជាច្រើននៅអឺរ៉ុប បន្ទាប់ពីតំណែងរបស់គេត្រូវបានដណ្ដើមដោយខ្សែប្រយុទ្ធចំណូលថ្មី Mauro Icardi ខណៈក្រុម Atlectico Madrid ជាបេក្ខភាពដែលឈានមុខគេក្នុងការចរចាយកកីឡាកររូបនេះ។ ទោះជាយ៉ាងណាលោក Fletcher បានលើកឡើងបន្ថែមទៀតថា៖
គួរឲ្យដឹងដែរថា ក្នុងរដូវកាលនេះ Cavani មានឱកាសបានចូលលេងត្រឹម១៤ប្រកួតប៉ុណ្ណោះ គិតរាល់កម្មវិធីទាំងអស់ ក្នុងនោះរូបគេស៊ុតបញ្ចូលទីបាន៥គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន២ដង៕
ប្រភព៖ dailymail