អ្នករាំឲ្យ ទេព បូព្រឹក្ស ភេទទីបី ត្រៀមប្រលងបវរកញ្ញា Miss Queen កម្ពុជា២០២០ រីឯសម្រស់ស្អាតដូចស្រីពិត

ភ្នំពេញ៖ កម្មវិធីប្រលងបវរកញ្ញាភេទទីបីកម្ពុជា Miss Queen Cambodia ឆ្នាំ 2020 នឹងធ្វើឡើងក្នុងពេលខាងមុខនេះហើយ​ស្របពេលដែល ពេលនេះកំពុងតែបន្តការជ្រើសរើសនូវ បវរកញ្ញាដែលមានសមត្ថភាព និងមានរូបសម្រស់ស្អាត បានធ្វើជាតំណាងកម្ពុជាដើម្បីធ្វើការប្រកួត។

ជាក់ស្តែងមួយរយៈពេលនេះ ឃើញថាមានការលេចឡើងនូវ បេក្ខភាពជាច្រើនរូប ដែលមានរូបសម្រស់សុទ្ធតែស្អាតៗដូចស្រីពិតៗគួរឲ្យចាប់អារម្មណ៍យ៉ាងខ្លាំង។ តែអ្វីដែលគួរឲ្យចាប់អារម្មណ៍ខ្លាំងនោះគឺ កាលពីពេលថ្មីៗនេះ មានការលេចឡើងនូវបេក្ខភាពមួយរូប ដែលជាក្រុមរាំភេទទី៣របស់កញ្ញា ទេព បូព្រឹក្ស ក៏បានធ្វើការត្រៀមចូលរួមប្រកួតផងដែរ។

រាល់រូបភាពជាច្រើនរបស់បេក្ខភាព​ដែលជាអ្នករាំផ្ទាល់ខ្លួន របស់តារារូបនេះ បានធ្វើឲ្យហ្វេនជាច្រើនពិតជាពេញចិត្តសរសើរដល់សម្រស់បេក្ខភាពរូបនេះ ដែលមានកម្ពស់ខ្ពស់ ១.៧០ម៉ែត្រ អាយុទើបតែ២១ឆ្នាំ រីឯសម្រស់ក៏ស្អាតខ្លាំងទាំងទម្រង់មុខ និងរូបរាងយ៉ាងស្លីមតែម្តង។

ទន្ទឹមនឹងនេះដែរ ហ្វេនជាច្រើនពិតជាពេញចិត្ត ព្រោះថានាងពិតជាសាកសមក្លាយជាបវរកញ្ញាភេទទីបីតែម្តង ក៏ប៉ុន្តែទោះជាយ៉ាងណាក្តី ក៏ត្រូវរងចាំមើលនូវលទ្ធផល នៃការជ្រើសរើសផងដែរ៕

សូមទស្សនារូបភាពខាងក្រោមនេះ៖