១. ពោះរបស់អ្នកមានបញ្ហា
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិតទៅ កាហ្វេមានសារជាតិធ្វើឱ្យការបន្ទោរបង់ធូរ ដើម្បីពន្លឿនសកម្មភាពក្នុងពោះវៀន។ តែការផឹកច្រើនពេកក៏អាចធ្វើឱ្យរាគផងដែរ។ ដូចនេះហើយ បើអ្នកមិនស្រួលពោះ គួរតែកាត់បន្ថយកាហ្វេខ្លះ។
២. អ្នកអាចមានអារម្មណ៍អស់កម្លាំងបន្ទាប់ពីញ៉ាំកាហ្វេ
ពិតមែនហើយ កាហ្វេជួយជម្រុញប្រព័ន្ធប្រាសាទរបស់អ្នក និងថាមពលរាងកាយប្រហែល ១១ ទៅ១២ ភាគរយ ប៉ុន្តែក៏មានបញ្ហាអវិជ្ជមានដែរ។ ការសិក្សាបានរកឃើញថា បន្ទាប់ពីការញ៉ាំកាហ្វេច្រើនពេក ធ្វើឱ្យអ្នកមានអារម្មណ៍អស់កម្លាំង និងគេងលក់ទៅវិញ។
៣. អ្នកអាចមានអារម្មណ៍តានតឹង
ប្រសិនបើអ្នកផឹកជាតិកាហ្វេអុីនច្រើនកែវក្នុងមួយថ្ងៃ វាអាចធ្វើឱ្យអ្នកមានអារម្មណ៍តានតឹង និងភ័យព្រួយ ដោយវាបញ្ចេញសារធាតុដែលធ្វើអោយប៉ះពាល់ដល់អាកប្បកិរិយារបស់អ្នក។ បើអ្នកគិតថាអ្នកជួបរឿងបែបហ្នឹង អ្នកគួរពិសាក្នុងកម្រិតល្មមទៅបានហើយ។
៤. អ្នកចាប់ផ្តើមមានអាការៈគេងមិនលក់
ជាតិកាហ្វេអុីនធ្វើឲ្យអ្នកស្វាង តែវាក៏ប៉ះពាល់ដល់ការគេងរបស់អ្នកដែរ។ អ្នកស្រាវជ្រាវបានរកឃើញថា ការផឹកកាហ្វេច្រើនពេកធ្វើអោយអ្នកចំណាយពេលយូរទម្រាំគេងលក់ ហើយអ្នកនឹងគេងតិច អស់កម្លាំងរឹតតែខ្លាំងនៅពេលថ្ងៃ។
៥. បេះដូងអ្នកលោតញាប់ និងអស់កម្លាំង
សញ្ញានៃបេះដូងលោតញាប់មិនកើតឡើងលើមនុស្សគ្រប់គ្នាទេ តែក៏ជារឿងទូទៅមួយដែរ ជាពិសេសចំពោះមនុស្សវ័យក្មេងដែលផឹកកាហ្វេច្រើន។ ការពិសារកាហ្វេមិនត្រូវបានណែនាំចំពោះអ្នកលើសឈាម និងមានបញ្ហាបេះដូងទេ។
៦. ប្រព័ន្ធរំលាយអាហាររបស់អ្នកដើរលឿន និងអាចធ្វើឱ្យអ្នកញៀនតែម្តង
ជាតិកាហ្វេអុីនជាគ្រឿងផ្សំក្នុងការដុតបំផ្លាញជាតិខ្លាញ់ ដោយបង្កើនការរំលាយអាហារពី ៣ ទៅ ១១ភាគរយ ប៉ុន្តែអ្នកត្រូវប្រយ័ត្នបន្តិច ពីព្រោះមនុស្សមួយចំនួនមិនអាចទ្រាំទ្រនឹងជាតិកាហ្វេអុីនបាន ហើយនឹងជួបបញ្ហាច្រើនជាងផលប្រយោជន៍។ អ្វីដែលខ្លាំងជាងនេះទៅទៀត អ្នកខ្លះអាចនឹងញៀនកាហ្វេហើយលែងផឹកទឹកគ្រប់គ្រាន់ក៏មាន។
ប្រភព៖ Bright Side