អែនជី សំណាងណាស់ ស្វាមីឲ្យកាដូនាឡិកាដាំពេជ្រ ៧ពាន់ដុល្លារ ឲ្យពាក់លេង

ភ្នំពេញ៖ ទោះជា អ្នកនាង អែនជី ដែលជាអតីតតារាចម្រៀង មិនបានប្រឡូកក្នុងសិល្បៈដូចពេលមុនក្ដី តែរូបនាងនៅតែទទួលបានការចាប់អារម្មណ៍ពី ទស្សនិកជនតាមរយៈ សកម្មភាពប្រចាំថ្ងៃដដែល។

លើសពីនេះ ក្រៅពីមានជីវភាពហ៊ឺហា ជាងមុនហើយ អែនជី ត្រូវបានគេចាត់ទុកជា នារីសំណាងណាស់ ដែលបានស្វាមីចេះផ្ដល់សុភមង្គល ថ្នាក់ថ្នមនិងយល់ចិត្ត ទិញកាដូសុទ្ធតែ របស់ប៊្រេនៗជូនជានិច្ច ក្នុង​ឱកាសពិសេស។

ជាក់ស្ដែង នាពេលឆាប់ៗនេះ ជាពិធីបុណ្យសែនចូលឆ្នាំចិន ស្វាមីរបស់ តារាស្រីរូបនេះ បានអាំងប៉ាវជា កាដូដ៏មានតម្លៃ នាឡិកាដៃពណ៌ក្រហម ដាំពេជ្រភ្លឺចែងចាំង មានតម្លៃទៅដល់៧,២០០ដុល្លារឯណោះ។

ដោយឡែក គ្រាន់តែ អែនជី ទទួលបានកាដួមួយនេះ ពីស្វាមីជាទីស្រលាញ់ភ្លាម រូបនាង បានបង្ហោះក្នុងបណ្ដាញសង្គមភ្លែត នាំឲ្យមិត្តៗនារីជ្រួលជ្រើម និងច្រណែននាងគ្រប់គ្នា៕