ដូរឡានថ្មី ដូចដូរខោអាវទៅហើយ! ឆ្នាំថ្មី សុគន្ធ ថេរ៉ាយុ ទិញឡានថ្មី តម្លៃជាង១០ម៉ឺនដុល្លារ

ភ្នំពេញ៖ តារាប្រុសដ៏មានប្រជាប្រិយភាព លោកសុគន្ធ ថេរ៉ាយុ បច្ចុប្បន្នហាក់ដូចជាស្ងាត់នៅក្នុងការងារសិល្បៈមិនសូវលេចមុខច្រើនដូចមុន ខណៈនេះដែរលោកមានមុខរបរផ្ទាល់ខ្លួន ដែលជោគជ័យខ្លាំងមិនធម្មតានោះទេ។

បើងាកមកនិយាយពីជីវិតរបស់តារាប្រុសរូបនេះ ពីមួយថ្ងៃទៅមួយថ្ងៃលោកទទួលបាននូវជីវិតដ៏ល្អ មានលុយមានឡាន ទ្រនំធំស្កឹមស្កៃរស់នៅ ថែមទាំងប្រើប្រាស់របស់ប្រ៊េនៗស្របពេលដែលទាំងនេះ គឺជាញើសឈាមដែលលោកបានខំរក ដើម្បីជាកម្លាំងចិត្តដល់ខ្លូនឯង។

ជាក់ស្តែង ឈានចូលឆ្នាំ២០២០ភ្លែត តារាប្រុសរូបនេះ បានធ្វើការបង្ហាញនូវរថយន្តស៊េរីទំនើបរបស់ខ្លួន ដែលទើបតែទិញមកក្តៅៗ ម៉ាក lexus 570 ពណ៌សយ៉ាងថ្មីសន្លាង តម្លៃមិនក្រោម១០ម៉ឺនដុល្លារនោះទេ។ ជាមួយនឹងគ្នានេះដែរ ហ្វេនមួយចំនួនពិតជាសរសើរដល់លោក នៅក្មេងប៉ុណ្ណឹងសោះតែមានលុយច្រើន ផ្លាស់ប្តូរឡានថ្មីៗ ដូចដូរខោអាវទៅហើយ រីឯតម្លៃសុទ្ធតែថ្លៃៗ៕

សូមទស្សនារូបភាពខាងក្រោមនេះ៖