ការសិក្សាមួយរបស់អ្នកជំនាញបានបង្ហាញថា បុរសអាចនឹងមានសម្ពាធគួរសមនៅពេលដែលគេដើរតួជាអ្នកទំនុកបម្រុងគ្រប់យ៉ាងក្នុងគ្រួសារដោយមិនមានការរួមចំណែកខ្លះពីភរិយា។ ប៉ុន្តែ គេនឹងមានក្តីរីករាយខ្លាំងនៅពេលដែលគេ និងភរិយាមានប្រាក់ខែរៀងខ្លួនដែលអាចសាងសុភមង្គលជាមួយគ្នាបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជាបែបនេះក្តី បុរសបែរជាមានសម្ពាធទ្វេដង បើភរិយាជាអ្នករកលុយបានច្រើនជាងខ្លួន។ មូលហេតុ ព្រោះគេនឹងមានអារម្មណ៍ខ្លួនឯងអន់ដែលរកលុយបានតិចជាងមនុស្សស្រី ព្រមទាំងគិតថាខ្លួនមិនមានអំណាចច្រើន។
ការសិក្សាដែលផ្តោតលើស្វាមី និងភរិយា៦០០០គូ ត្រូវបានគេបង្ហាញការឆ្លើយតបស្រដៀងគ្នាថា បុរសមានការតប់ប្រមល់(stress) នៅពេលដែលគេត្រូវប្រើប្រាស់លុយរបស់មនុស្សស្រីច្រើនជាងអ្វីដែលខ្លួនរកបាន។
ប៉ុន្តែជីវិតក្រោយអាពាហ៍ពិពាហ៍នឹងមិនមានឧបសគ្គអ្វីឡើយ បើអ្នកទាំងពីរបាននិយាយគ្នាច្បាស់លាស់ពីបញ្ហាពាក់ព័ន្ធនឹងហិរញ្ញវត្ថុជាមុនហើយនោះ។
យ៉ាងណាមានចំណុចខ្លះ អ្នកទាំងពីរគួរតែមានការពិចារណា និងកុំឲ្យមានការអាក់អន់ស្រពន់ចិត្តនឹងគ្នា។ ត្រង់នេះ បើទាំងពីរនាក់សម្រេចថាដាក់ចិត្តដាក់កាយនៅជាមួយគ្នាហើយ ចូរកុំឆេវឆាវដោយសារពាក្យសម្តីមួយចំនួនអី។ ឧទាហរណ៍៖ មិត្តរបស់អ្នកអាចនឹងនិយាយថា៖ «មិនសមសោះ! ជាប្តី តែរកលុយបានតិចជាងប្រពន្ធ។...» ឬពាក្យពេចន៍ខ្លះអាចឮពីសំណាក់ឪពុកម្តាយក្មេកក៏មាន។
តែបើអ្នកច្បាស់លាស់ហើយ អ្នកមិនត្រូវមានមន្ទិលចំពោះគ្នាទេ ដោយត្រូវលើកទឹកចិត្ត សណ្តោស មេត្តា និងមិនបង្កជម្លោះឲ្យបែកបាក់ឡើយ។ ស្នេហាមានផ្អែម ជូរចត់ជារឿងធម្មតា អ៊ឹចឹងកុំដោយសារតែរឿងប្រាក់ខែតិច ឬច្រើនធ្វើឲ្យមានសម្ពាធអី៕