ថ្ងៃទទួលសញ្ញាបត្រប្អូនស្រីទេ តែកុំមើលបង តែងខ្លួនឡើងកប់

ថៃ៖ អ្នកណាដែលថាមិនស្គាល់ តារាសម្ដែងវ័យក្មេង Peach Pachara ជាតារាសម្ដែងមួយរូបដែលមានប្រជាប្រិយភាព និងទទួលបានការគាំទ្រពីសំណាក់់ហ្វេនៗជាច្រើន មិនតែប៉ុណ្ណោះលោកថែមទាំងមានមុខមាត់ស្រស់សង្ហា ដែលអាចទាក់ទាញចិត្តនារីៗបានទៀតផង។

បើទោះបីជាមួយរយៈពេលចុងក្រោយនេះ Peach ហាក់មានរឿងមិនសប្បាយចិត្តក៏ដោយនោះ ប៉ុន្តែតារាសម្ដែងរូបសង្ហាម្នាក់នេះក៏នៅតែមានការរៀបចំតុបតែងខ្លួនឯងបានយ៉ាងស្រស់សង្ហាជានិច្ច ដែលធ្វើឲ្យអ្នកគាំទ្រជាច្រើនសរសើរមិនដាច់ពីមាត់។

កាន់តែភ្ញាក់ផ្អើលនោះគឺ កាលពីពេលថ្មីៗនេះដែរ តារាសម្ដែងវ័យក្មេង Peach Pachara បានបង្ហាញនូវរូបភាពប៉ុន្មានសន្លឹក ក្នុងការចូលរួមអបអរដែលប្អូនស្រីរបស់ខ្លួនបានទទួលសញ្ញាបត្របញ្ចប់ការសិក្សា តែអ្វីដែលកាន់តែពិសេសនោះគឺ Peach បានតែងខ្លួនយ៉ាងឡូយជាមួយនឹងឈុតពណ៌ទឹកប៊ិច ព្រមទាំងម៉ូតសក់យ៉ាងស្រស់សង្ហា ។ គ្រាន់តែឃើញបែបនេះ អាចនិយាយបានថា លោក ពិតជាមានភាពទាក់ទាញ និងធ្វើឲ្យនារីៗជាច្រើននាក់លង់ស្នេហ៍នឹងលោកផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖