បរទេស៖ អាចម៍ផ្កាយនៅក្នុងប្រព័ន្ធព្រះអាទិត្យយើងភាគច្រើន វិលជុំវិញព្រះអាទិត្យតាមគន្លងខ្សែក្រវាត់របស់វា ដែលមានទីតាំងស្ថិតនៅចន្លោះភពអង្គារនិងភពព្រហស្បតិ៍។ ប៉ុន្តែឥឡូវនេះនិងជាលើកដំបូង អាចម៍ផ្កាយមួយត្រូវបានគេរកឃើញនៅលើគន្លងគោចរក្បែរភពសុក្រ។ ក្រុមតារាវិទូមកពី Caltech’s Zwicky Transient Facility (ZTF) ជាអ្នកអង្កេតឃើញអាចម៍ផ្កាយមួយនេះ ហើយបានដាក់ឈ្មោះឲ្យវាថា 2020 AV2។ លោក Quanzhi Ye ដែលជាជំនួយការស្រាវជ្រាវអ្នកវិទ្យាសាស្ត្រនៅសាកលវិទ្យាល័យ Maryland ផ្នែកតារាសាស្ត្រនិងជាអ្នកអង្កេតរួមគ្នារបស់ ZTF បាននិយាយក្នុងសេចក្ដីថ្លែងការណ៍មួយថា នេះគឺជារបកគំហើញដ៏គួរឲ្យរំភើបបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុ្រមតារាវិទូបានស្រាវជ្រាវរកអង្គតូចៗនៅក្នុងផ្ទៃមេឃ តាំងពីទសវត្សរ៍ឆ្នាំ១៩៧០និង៨០ ហើយផ្នែកខាងក្នុងនៃប្រព័ន្ធព្រះអាទិត្យលែងមានកន្លែងសម្រាប់អង្កេតទៀតហើយ។ អាចម៍ផ្កាយដែលមានគន្លងគោចរនៅក្នុងគន្លងរបស់ភពសុក្រគឺពិបាកអង្កេតណាស់ ហើយអ្នកវិទ្យាសាស្ត្រពិតជារំភើបណាស់ ដែលបានស្វែងរកឃើញអាចម៍ផ្កាយមួយនេះ។ 2020 AV2 មានទទឹងចន្លោះពី១ទៅ៣គីឡូម៉ែត្រ ហើយវាមានគន្លងទ្រេត បើប្រៀបធៀបជាមួយអង្គដទៃនៃប្រព័ន្ធព្រះអាទិត្យ។
គន្លងរបស់អាចម៍ផ្កាយមួយនេះស្ថិតនៅខាងក្នុងគន្លងភពសុក្រ ប៉ុន្តែគន្លងរបស់វាបានទ្រេតទៅប៉ះគន្លងរបស់ភពពុធផ្នែកខ្លះថែមទៀត។ អាចម៍ផ្កាយមួយនេះមានរយៈពេលមួយឆ្នាំខ្លីជាងអាចម៍ផ្កាយផ្សេងទៀតដែលគេធ្លាប់រកឃើញ ដោយវាប្រើរយៈពេលត្រឹមតែ១៥១ថ្ងៃតែប៉ុណ្ណោះ ដើម្បីវិលជុំវិញព្រះអាទិត្យបានមួយជុំ៕