បារាំង៖ ខ្សែប្រយុទ្ធវ័យក្មេងកំពុងលេចធ្លោខ្លាំងរបស់ក្លិបអ្នកមាននៅបារាំង Paris Saint-Germain កីឡាករ Kylian Mbappe បានប្រាប់ឈ្មោះនិមិត្តរូប (Idol) របស់គេទាំងពីររូបដែលជំរុញឲ្យគេខិតខំលេងបាល់ទាត់។ បុគ្គលទាំងពីររូបនោះរួមមានលោក Zinedine Zidane និងកីឡាករ Cristiano Ronaldo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឆ្លើយសំណួររបស់អ្នកកាសែតថាតើនរណាជា Idol របស់ខ្លួន Mbappe បានប្រាប់យ៉ាងដូច្នេះថា៖
ជាការពិតគឺវាមានជាដំណាក់កាល។ កាលពីនៅក្មេងគឺ Zidane។ បើសិនជាអ្នកជាក្មេងម្នាក់ ហើយអ្នកមានសញ្ជាតិបារាំងទៀតនោះ ពិតណាស់ Idol របស់អ្នកគឺ Zidane។ ក្រោយមកទៀតគឺ Cristiano (Ronaldo) ដែលខ្ញុំមានសំណាងរហូតដល់អាចលេងជាមួយ។
ខ្សែប្រយុទ្ធដែលជួយឲ្យបារាំងឈ្នះពាន FIFA World Cup 2018 រូបនេះក៏បានបន្តរៀបរាប់ទៀតថា៖
ខ្ញុំចង់ចាកចេញពីអាជីពរបស់ខ្ញុំជាមួយនឹងគុណតម្លៃ ពោលគឺអាចបន្សល់ទុកនូវប្រវត្តិសាស្រ្តសម្រាប់ពិភពបាល់ទាត់។
គួរឲ្យដឹងដែរថា មកទល់នឹងពេលបច្ចុប្បន្នកីឡាករវ័យ២១ឆ្នាំ Mbappe បានក្លាយជាកីឡាករដែលមានតម្លៃខ្លួនថ្លៃជាងគេបំផុតនៅលើលោក។ បើតាមទិន្នន័យពី CIES អតីតខ្សែប្រយុទ្ធរបស់ Monaco ម្នាក់នេះមានតម្លៃខ្លួនប្រមាណ ២៩៤លានដុល្លារសហរដ្ឋអាមេរិក៕
ប្រភព៖ Marca
Bong I.T