មិនធ្លាប់ដឹងសោះ! ដើមហេតុទាំងនេះនាំឲ្យមានការប្រារព្ធពិធីបុណ្យចូលឆ្នាំចិន

//s5.kh1.co/62/626f5b0332edd1dc31c35d27de32e862d4789cbc.jpg
សង្គម

 ២០-មករា-២០២០ ១០ល្ងាច · ៤ ឆ្នាំមុន

នៅលោកខាងលិច ចូលឆ្នាំថ្មីគឺជាពេលវេលាចាប់ផ្តើមសារជាថ្មី ធ្វើការផ្លាស់ប្តូរ ហើយស្វែងរកវិធីណាក្នុងការធ្វើឲ្យមានភាពរីកចម្រើន។ ដោយឡែក បុណ្យចូលឆ្នាំចិនវិញគឺជាការផ្សារភ្ជាប់ជាមួយប្រពៃណី និងអត្តសញ្ញាណ។ វប្បធម៌ចំណាស់របស់ពួកគេ និងការប្រារព្ធពិធីបុណ្យប្រពៃណីរបស់ពួកគេគឺមានដំណើរដើមទងតាំងពីប្រវត្តិសាស្រ្ត ដែលជារឿងនិទានមានរាប់សតវត្សរ៍មកម្ល៉េះ។ ពិធីចូលឆ្នាំចិន ឆ្នាំ២០២០ នឹងប្រារព្ធទៅនៅថ្ងៃទី ២៥ មករា ដល់ថ្ងៃទី ០៨ កុម្ភៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តោះ!​ ទៅអានរឿងនិទានទាំង ៤ ខាងក្រោម៖

.​ សត្វចំឡែក (New Year’s Eve Monster)

នៅថ្ងៃបុណ្យចូលឆ្នាំចិនមានសត្វចម្លែកមួយហៅថានៀន (Nian) ដែលចេញមកពីក្នុងសមុទ្រដើម្បីមកកាប់សំលាប់ពួកបសុសត្វ។ ពេលនោះអ្នកភូមិក៏ភៀសខ្លួនទៅនៅលើកូនភ្នំ ហើយមានស្រ្តីចំណាស់មួយរូបបាននាំអ្នកសុំទានម្នាក់ទៅជាមួយ ហើយអ្នកសុំទាននោះសន្យាថានឹងធ្វើឲ្យសត្វចម្លែក Nian នោះចុះចេញ។ នៅពេលដែលសត្វនោះឃើញក្រដាស់ពណ៌ក្រហមនៅលើផ្ទះ វាក៏ឈប់ ហើយស្រែករោទ៍ទាំងកំរោល។ អ្នកសុំទានបានស្លៀកពាក់ពណ៌ក្រហម ហើយបាញ់រំសេវទៅកាន់ Nian អ្វីដែលសត្វចម្លែកធ្វើពេលនោះគឺនាំគ្នារត់ត្រឡប់ក្រោយវិញទាំងការភ័យខ្លាច។ ដូចនេះហើយបានជាគ្រប់ក្រុមគ្រួសារធ្វើការតុបតែងផ្ទះរបស់គេដោយពណ៌ក្រហម និងមានដុតរំសេវនៅពេលយប់ ដើម្បីកុំឲ្យសត្វចម្លែក Nian នោះមកជិត។

សត្វចម្លែកនៀន(Nian)
សត្វចម្លែកនៀន(Nian)

២. សំណាងល្អគឺនៅទីនេះ

គេនិយាយតៗគ្នាថាកាលពីរាជវង្សអធិរាជមិង ទ្រង់បានបញ្ជាឱ្យគ្រប់ក្រុមគ្រួសារតុបតែងផ្ទះជាមួយផ្ទាំងពាក្យហ៊្វូ (សុភមង្គលឬសំណាង) នៅលើទ្វាររបស់ពួកគេ។ នៅពេលព្រឹកព្រលឹមគាត់បានបញ្ជាឱ្យទាហានរបស់គាត់ពិនិត្យមើលថាមនុស្សគ្រប់គ្នាធ្វើតាមបទបញ្ជា។ គ្រួសារមួយដែលមិនចេះអក្សរបានបិទផ្ទាំងបដាត្រឡប់ចុះក្រោមស្រាប់តែស្តេចអធិរាជបានបញ្ជាឱ្យគេសម្លាប់គ្រួសារនោះ។ ម្ចាស់ក្សត្រីបានឃើញរឿងនេះហើយក៏ពន្យល់ថា“ត្រឡប់ចុះក្រោម” គឺមានន័យថា“ នៅទីនេះ” ដូច្នេះត្រឡប់ចុះក្រោមមានន័យថា“ សំណាងល្អគឺនៅទីនេះ” ។ អធិរាជបានពេញចិត្ដនឹងការពន្យល់ហើយបានឲ្យពួកគេរួចទោស ។ នោះហើយជាមូលហេតុដែលគ្រប់គ្នាព្យួរផ្ទាំងបដាត្រឡប់ចុះក្រោមមកដល់សព្វថ្ងៃ។ 

ការតុបតែងផ្ទះនៅថ្ងៃចូលឆ្នាំចិន
ការតុបតែងផ្ទះនៅថ្ងៃចូលឆ្នាំចិន

៣.​ ស្រានៅនិទាឃរដូវ

ស្រា Tusu គឺមានអត្ថន័យជាក់លាក់ចំពោះបុណ្យចូលឆ្នាំចិន។ វាត្រូវបានគេនិយាយថាភូមិមួយដែលត្រូវបានបំផ្លាញដោយជំងឺប៉េស្ត ហើយបានសម្លាប់មនុស្សជាច្រើន។ បុរសម្នាក់ដាក់ស្លឹកធញ្ញជាតិ និងឱសថចូលទៅក្នុងកាបូបហើយឱ្យវាទៅអ្នកជិតខាង។ គាត់បានប្រាប់ពួកគេឱ្យត្រាំកាបូបក្នុងទឹកហើយផឹកវានៅថ្ងៃបុណ្យចូលឆ្នាំថ្មី។ អ្នកភូមិបានរកឃើញភេសជ្ជៈវេទមន្តជួយសង្គ្រោះពួកគេពីគ្រោះកាចនេះ ហើយក៍ត្រូវបានគេស្គាល់ថាជាស្រា Tusu ។ 

៤. អាំងប៉ាវ

កាលពីព្រេងនាយ មានព្រលឹងអាក្រក់មួយដែលមានឈ្មោះថាសួយ (Sui)។ វាតែងតែចេញមកនៅថ្ងៃចូលឆ្នាំចិន ហើយគោះក្បាលក្មេងដែលកំពុងដេកបីដង។ បន្ទាប់ពីគោះហើយ ក្មេងៗនឹងមានអាការគ្រុនក្តៅ ហើយទោះបីជាសះស្បើយ ក៏ពួកគេមិនប្រក្រតីដែរ។ ឪពុកម្តាយមួយគូបានប្រលែងលេងជាមួយកូនៗរបស់គេ ហើយដាក់កាក់មាសក្នុងក្រដាសពណ៌ក្រហម (អាំងប៉ាវ) នៅក្បែរក្បាលដំណេកកូនៗនៅពេលយប់។ កាក់នោះចាំងចេញទៅប៉ះនឹងព្រលឹង Sui ហើយធ្វើឱ្យព្រលឹង Sui ភ័យខ្លាច។ ចាប់តាំងពីពេលនោះឪពុកម្តាយបានឲ្យកាក់នោះទៅកូនៗ របស់ពួកគេដាក់ក្នុងអាំងប៉ាវរាល់ថ្ងៃចូលឆ្នាំចិន។

អាំងប៉ាវ
អាំងប៉ាវ

ប្រភពsouthfloridareporter

Mas Teyaorm
ម៉ះ តីយ៉ុម (C)

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ៣ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ៤ ម៉ោងមុន
រក្សាសិទ្ធិ Mediaload
Powered by Bong I.T Bong I.T