បារាំង៖ នាយកផ្នែកប្រតិបត្តិកីឡារបស់ក្លិប Paris Saint-Germain លោក Leonardo បានបង្ហើបឲ្យដឹងថា ខ្សែប្រយុទ្ធឆ្នើមកីឡាករ Edinson Cavani បានស្នើសុំចាកចេញពីក្លិប ក្នុងទីផ្សារដោះដូរខែមករានេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ពាក្យសម្ដីនេះ បាននិយាយកំឡុងពេលដែលលោកថ្លែងក្នុងសន្និសីទកាសែត ដែលធ្វើឡើងក្រោយបញ្ចប់ការប្រកួតរវាងក្រុម PSG នឹងក្រុម Lorient ក្នុងពានរង្វាន់ Coupe de France កាលពីថ្ងៃអាទិត្យកន្លងទៅ ដោយលោកបានលើកឡើងថា៖
ពួកយើងតែងតែនិយាយដដែលៗជាមួយ Cavani ដោយសង្ឃឹមថាគាត់នឹងបន្តនៅក្លិបនេះ។ក្នុងថ្ងៃនេះ គាត់បានស្នើសុំចាកចេញ ហើយឥលូវពួកយើងកំពុងតាមដានពីស្ថានភាពមួយនេះ។
លោក Leonardo បានបន្ថែមទៀតថា៖
ពួកយើងទទួលបានសំណើពី Atletico Madrid ប៉ុន្តែពួកយើងមិនបានទទួលសំណើដែលស័ក្ដិសមនឹងតម្លៃខ្លួនរបស់កីឡាករនោះទេ យ៉ាងណាខ្ញុំក៏មិនប្រាកដដែលថា Cavani នឹងនៅទីនេះបន្តក្នុងខែកុម្ភៈនោះ។ សម្រាប់ថ្ងៃនេះ មិនមានការលើកឡើងណាបញ្ជាក់ថាគាត់នឹងចាកចេញនោះទេ ប៉ុន្តែជាក់ស្ដែងគាត់បានដាក់សំណើមកកាន់ក្លិបសុំចាកចេញ យ៉ាងណាពួកយើងមិនដែលមានគំនិតចង់លក់គាត់ពីមុនមកទេ។
គួឲ្យដឹងដែរថា កុងត្រារបស់ Cavnai ជាមួយនឹងក្រុមជើងឯកលីគកំពូលបារាំងនឹងផុតកំណត់នៅពេលបញ្ចប់រដូវកាលនេះ ដោយការព្រមព្រៀងបន្តកុងត្រាថ្មីនៅមិនទាន់កើតឡើងនៅឡើយទេ ខណៈបច្ចុប្បន្នរូបគេកំពុងស្ថិតក្នុងរ៉ាដារបស់ក្រុមធំៗជាច្រើននៅអឺរ៉ុប រួមមានក្រុម At.Madrid, Arsenal, Inter Milan និង Manchester United នេះបើយោងតាមការចុះផ្សាយរបស់កាសែត Metro៕
ប្រភព៖ allfootballapp
Bong I.T