ស្អាតសឹងអី យូរហើយមិនព្រមដូរ ទីបំផុត Lisa ដាច់ចិត្តប្តូរម៉ូតសក់ថ្មី ឈប់ដាក់សក់សេះ ផ្អើលអស់Kpop !

កូរ៉េខាងត្បូង៖ នារសៀលថ្ងៃទី២០ ខែមករានេះ តារាចម្រៀងស្រីកំពុងល្បីល្បាញ Lisa សមាជិកក្រុម BLACKPINK បានធ្វើដំណើរទៅព្រលានយន្តហោះ Incheon ដើម្បីធ្វើដំណើរហោះឆ្ពោះទៅបំពេញការងារនៅឯប្រទេសចិន។

ដោយឡែក ការបង្ហាញខ្លួនលើកនេះរបស់ Lisa លើកនេះបានធ្វើឲ្យបណ្តាក្រុមអ្នកសារព័ត៌មាន ក៏ដូចជាអ្នកគាំទ្រនៅលើបណ្តាញសង្គមជុំវិញពិភពលោក មានការភ្ញាក់ផ្អើលយ៉ាងខ្លាំង បន្ទាប់ពីនាងបានផ្លាស់ប្តូរម៉ូតសក់ថ្មី ជារឿងដែលកម្រនឹងឃើញបំផុត ចាប់តាំងពី Lisa បានចូលប្រឡូកសិល្បៈរយៈពេលជា៣ឆ្នាំមកនេះ។

ជាការពិតណាស់ តារាចម្រៀងស្រី២៣ឆ្នាំរូបនេះ បានផ្លាស់ប្តូរម៉ូតសក់ថ្មី ដោយឈប់ទម្លាក់សក់សេះ បែរមកជាទម្លាក់សក់មុខពុះចំហៀងបង្ហាញថ្ងាសវិញ។ តួយ៉ាង នេះជាលើកទីមួយហើយ ដែលអ្នកគាំទ្របានឃើញLisa ប្តូរម៉ូតសក់សេះបែបនេះ​ ពីព្រោះថាតាមរយៈរូបថតតាំងពីតូចៗមករហូតមកដល់បច្ចុប្បន្ន គឺគេធ្លាប់ឃើញតែ Lisa ដាក់សក់សេះមួយមុខគត់ ប៉ុន្តែបន្ទាប់ពីទទួលបានការសំណូមពរជាច្រើនពីសំណាក់អ្នកគាំទ្រមក គឺពេលនេះ Lisa នាងបានផ្លាស់ប្តូរម៉ូតសក់មុខមកជាពុះចំហវិញហើយ ដែលមើលទៅពិតជាប្លែកភ្នែកខ្លាំង និងកាន់ស្រស់ស្អាតទាក់ទាញបែបសុភាពចាស់ទុំមួយបែបផ្សេងមួយទៀតផងដែរ៕