មកមើលផ្ទះដ៏ធំស្កឹមស្កៃ របស់ Not Vorarit ឃើញហើយពិតជាចង់ទៅរស់នៅខ្លាំងណាស់

ថៃ៖ តារាសម្ដែងថៃ លោក Not Vorarit ជាតារាសម្តែងមួយរូប ដែលមានប្រជាប្រិយភាព និងបានធ្វើឲ្យអ្នកគាំទ្រជាច្រើនស្គាល់លោកតាមរយៈរឿងភាគល្បីៗផងដែរ។ យ៉ាងណាមិញ មិនយូរប៉ុន្មានបន្ទាប់ពីលោកបានរៀបការរួច ជាមួយនឹងភរិយាដ៏ស្រស់ស្អាត នាង Jan Nopalak ព្រមទាំងមានកូនស្រីដ៏គួរឲ្យស្រឡាញ់ បានធ្វើឲ្យគ្រួសាររបស់លោកកាន់តែមានភាពកក់ក្ដៅ និងមានសុភមង្គលជាទីបំផុត។  

មិនត្រឹមតែជាគ្រួសារដ៏កក់ក្ដៅប៉ុណ្ណោះទេ តែបើងាកមកមើលពីការរស់នៅរបស់លោក Not Vorarit ព្រមទាំងគ្រួសារវិញ ក៏មានភាពឡូយឆាយអស្ចារ្យដែរ ដោយកាលពីថ្មីៗនេះ លោក Not Vorarit បានបង្ហាញឲ្យឃើញពីផ្ទះរបស់លោក ដែលមានទំហំធំទូលាយទៀតផង។

ជាការពិត ផ្ទះរបស់លោក ត្រូវបានសាងសង់ឡើងអស់រយៈពេលជាច្រើនឆ្នាំ ប៉ុន្តែនៅតែមាន​ការកែលម្អនិងបន្ថែមឥតឈប់ឈរ ដោយផ្ទះមួយនេះមានការរចនាយ៉ាងស្រស់ស្អាត បរិយាកាសនៅជុំវិញផ្ទះពិតជាមានផាសុកភាព ដោយសារតែមានដើមឈើបៃតងច្រើនប្រភេទ មានអាងហែលទឹកដ៏ធំមួយនៅចំកណ្តាលព្រមទាំងមានកៅអីអង្គុយជាច្រើនដែលអាចរៀបចំពិធីជប់លៀងបាន ។

 ចំណែកឯ ផ្នែកខាងក្នុងនៃផ្ទះ ក៏មានភាពទាក់ទាញមិនចាញ់ខាងក្រៅនោះដែរ ដោយនៅខាងក្នុង មានការរចនាយ៉ាងពិសេសជាមួយនឹងគ្រឿងសង្ហារឹមផ្សេងៗ រួមទាំងមានបន្ទប់ជាច្រើន មិនថាបន្ទប់ទទួលភ្ញៀវ បន្ទប់គេង បន្ទប់ទឹក និងបន្ទប់ស្លៀកពាក់សុទ្ធតែមានការតុបតែងយ៉ាងស្រស់ស្អាតទាំងអស់ ៕

ចង់ជ្រាបច្បាស់ សូមទស្សនារូបភាពខាងក្រោម៖