សាហាវបាត់! Miss Global Colombia ចេញមកស្រែកកណ្តាលឆាក ពេលប្រកាសលទ្ធផល ក្រោយលេចលឺព័ត៌មាន មានការបន្លំលទ្ធផល (មានវីដេអូ)

មិចស៊ីកូ៖ ដូចប្រិយមិត្តជាច្រើនប្រាកដជាបានជ្រាបហើយថា កម្មវិធី Miss Globalជារៀងរាល់ឆ្នាំ ដែលមានការចូលរួមពីបណ្តាប្រទេសជាច្រើនជាមួយនឹងការជ្រើសរើសនូវបវរកញ្ញាដ៏មានសមត្ថភាព បូករួមនឹងរូបសម្រស់ដើម្បីចូលរួមប្រកួត។

ដោយឡែក បើក្រឡេកទៅមើលបវរកញ្ញាកម្ពុជាវិញ បានត្រៀមខ្លួនជាស្រេចដើម្បីធ្វើការប្រកួត ក៏ប៉ុន្តែបែរជាមិនបានចូលរួមទៅវិញ ខណៈមិនទាន់ជ្រាបពីហេតុផលច្បាស់ណាមួយនោះឡើយ ស្របពេលដែលការប្រកួតពេលនេះ កំពុងតែលេចលឺមានបញ្ហាយ៉ាងគួរឲ្យភ្ញាក់ផ្អើលតែម្តង ពេលប្រកាសលទ្ធផល។

ដោយក្នុង​នោះមានការលេចលឺថា មានការបន្លំនូវលទ្ធផលបវរកញ្ញា ដោយម្ចាស់ Sponsor មានចិត្តចង់បំពាក់ម្កុដឲ្យ បវរកញ្ញា Mexico ដែលជាម្ចាស់ផ្ទះនៅក្នុងឆ្នាំនេះ ស្របពេលដែលប្រទេសមួយចំនួនមិនបានជាប់Top25 ស្រាប់តែឃើញបង្ហាញខ្លួននៅក្នុង Top11 ( ឡើងរហូតដល់ ១៨នាក់ ) រហូតដល់បវរកញ្ញា Colombia បានធ្វើការចេញមុខបញ្ចេញភាពក្លាហាន ស្រែកនៅលើឆាក ជាមួយនឹងពាក្យពេចន៍ជាច្រើននៅកណ្តាលឆាក ខណៈកំពុងLiveផ្ទាល់។

ក៏ប៉ុន្តែបែរជាខាងកម្មវិធីបិទសម្លេងរបស់នាងចោល មិនឲ្យលេចលឺតាមរយៈការLive និងភ្ញៀវកិត្តយសដែលមកចូលទស្សនាផ្ទាល់នោះទេ រហូតដល់កម្មវិធីធ្វើការបិទការផ្សាយភ្លាមៗតែម្តង។ តាមរយៈវីដេអូមួយនេះពិតជាធ្វើឲ្យមហាជនជាច្រើនបើកភ្នែកធំៗគ្រប់គ្នា ស្របពេលដែលបវរកញ្ញារូបនេះក្លាហានខ្លាំងហ៊ានស្រែកបែបនេះ៕

សូមទស្សនារូបភាពខាងក្រោមនេះ៖