ភ្នំពេញ៖ មហាជនប្រាកដជាច្រណែនខ្លាំងណាស់ហើយមើលទៅ ជាមួយព័ត៌មានអំពី អ្នកឈ្នះរង្វាន់ឡានទំនើប Porsche Macan ទី២ កាលពីពេលថ្មីៗនេះ បានបង្ហាញមុខភ្លាមៗតែម្តង បន្ទាប់ពីលោកអគ្គនាយក្រុមហ៊ុន ខ្មែរ ប៊ែវើរីជីស លោកឧកញ្ញ៉ា ភីធើរ លាង បាន ប្រគល់ដោយផ្ទាល់ដៃនូវរថយន្តទំនើបសេរ៊ីចុងក្រោយនេះ ទៅដល់ដៃអ្នកឈ្នះរង្វាន់ដំបូងគេបំផុត រួចរាល់កាលពីថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកអគ្គនាយក្រុមហ៊ុន ខ្មែរ ប៊ែវើរីជីស លោកឧកញ្ញ៉ា ភីធើរ លាងមានប្រសាសន៍ថា៖
«ខ្ញុំចូលរួមអបអរសាទដល់លោក ណុយ សុខណេម ដែលមានសំណាងឈ្នះបានរង្វាន់ធំដំបូងគេបង្អស់ ពីក្រវិលកំប៉ុង ស្រាបៀរ កម្ពុជា ហើយសង្ឃឹមថារង្វាន់ឡានទំនើប ដែលមានតម្លៃរាប់សិបម៉ឺនដុល្លារនេះ នឹងនាំមកនូវការផ្លាស់ប្តូរវិជ្ជមានក្នុងជីវិតរបស់លោក និង ក្រុមគ្រួសារផងដែរ។»
លោកអគ្គនាយកក៏បានធ្វើការប្រកាសភ្លាមៗ នាឱកាសសំណេះសំណាលរបស់លោកផងដែរ នូវព័ត៌មានអំពីអ្នកឈ្នះរង្វាន់ឡានទំនើបទី ២ តែម្តងថា៖
«ខ្ញុំពិតជាមានការភ្ញាក់ផ្អើល ដែលទទួលបានដំណឹង ពីក្រុមការងារថាមានអ្នកឈ្នះទី២ នូវរង្វាន់ឡានទំនើបនេះ កាលពីរសៀលថ្ងៃម៉ិញមួយទៀត។»
លោកក៏បានណែនាំអ្នកឈ្នះរង្វាន់ទី២ នេះ អោយមហាជនបានស្គាល់មុខភា្លមៗតែម្តង ស្របពេលអ្នកឈ្នះរង្វាន់ទី១ ទើបតែទទួលបានឡានទំនើបគាត់កាលពីថ្មីៗនោះ ដោយឡែកព័ត៌មានលម្អិតបន្ថែម អំពីអ្នកឈ្នះរង្វាន់ទី២នេះ នឹងលាតត្រដាងនៅពេល ឆាប់ៗនេះ។
រីឯលោក ណុយ សុខណេម ដែលជាអ្នកឈ្នះរង្វាន់ទី១ វិញបានបង្ហាញអារម្មណ៍ជាមួយនឹងឡានថ្មីនេះថា៖
«ខ្ញុំមិនដែលប៉ងទាល់តែសោះថា មានសំណាងជិះឡានទំនើបតម្លៃរាប់ម៉ឺនដុល្លារអីចឹងសោះ វាសឹងតែជាការយល់សប្តិទៅហើយ សម្រាប់ខ្ញុំជាមួយរង្វាន់នេះ ហើយខ្ញុំតែងគិតថារង្វាន់ធំ គេទុកអោយតែគ្នាគេតែប៉ុណ្ណោះ តែពេលនេះខ្ញុំពិតជាសូមថ្លែង អំណរគុណដល់ក្រុមហ៊ុន ស្រាបៀរកម្ពុជា ដែលបានដាស់ខ្ញុំអោយភ្ញាក់ដឹងខ្លួនថានេះ វាមិនមែនជាការយល់សប្តិនោះទេ ហើយការគិតរបស់ខ្ញុំក៏មិនត្រូវដែរ។»
គួររម្លឹកថា លោក ណុយ សុខណេម បច្ចុប្បន្នស្នាក់នៅសង្កាត់ទួលពង្រ ខណ្ឌដង្កោរ រាជធានីភ្នំពេញ ជាអតិថិជនមានសំណាងដំបូងគេបង្អស់ ដែលគាស់ត្រូវរង្វាន់រថយន្តដ៏ទំនើប Porsche Macan នាយប់ឆ្លងឆ្នាំសកលកន្លងទៅនេះ៕
Bong I.T