មនុស្សជោគជ័យរមែងជ្រើសរើសសំណួរទាំងនេះមកសួរខ្លួនឯងដើម្បីជាយាននាំពួកគេទៅដល់គោលដៅដែលចង់បាន។ សួរកាន់តែច្រើន នោះអ្នកកាន់តែរៀនពីខ្លួនឯងបានច្បាស់ជាងមុន។ វាធ្វើឲ្យអ្នកយកចិត្តទុកដាក់រាល់ទង្វើដែលអ្នកបានធ្វើ រីករាយនឹងជីវិតខ្លួនឯង ហើយចេះតស៊ូក្នុងឆាកជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការដែលសួរសំណួរទៅខ្លួនឯងធ្វើឲ្យអ្នកបង្កើនសក្តានុពលរបស់ខ្លួន ហើយជួយសម្រេចបានកិច្ចការនានា។ នៅពេលដែលអ្នកដឹងថាខ្លួនឯងកំពុងធ្វើអ្វី ហេតុអ្វីបានធ្វើវា ហើយធ្វើដោយរបៀបណា នោះហើយជាប្រភពឲ្យអ្នកឈ្វេងយល់កាន់តែច្បាស់ពីខ្លួនឯង។ ហើយចម្លើយនឹងលេចឡើង លុះត្រាតែយើងសំណួរសំណួរទាំង២៧ខាងក្រោមនេះទៅកាន់ខ្លួនឯង។
ក. សំណួរឆ្លុះបញ្ចាំងខ្លួនឯង
គួរចាំថាអ្វីៗគ្រប់យ៉ាងគឺចាប់ផ្តើមដោយសារអ្នក។ ការដែលស្គាលពីសមត្ថភាពរបស់ខ្លួន អ្វីដែលខ្លួនឯងភ័យខ្លាច ឬមានអារម្មណ៍មិនស្កប់ ក៏ដូចជាមានក្តីស្រមៃសម្រាប់ខ្លួនគឺសុទ្ធសឹងជាឫសគល់សំខាន់ៗដែលយើងអាចចាប់ផ្តើមដោះចេញម្តងមួយៗបាន។ សាកសួរសំណួរទាំងនេះទៅខ្លួនឯង ហើយចាំមើលថាតើយើងឆ្លើយបានប៉ុន្មាន?
១. តើអ្នកមានអារម្មណ៍ថាខ្លួនឯងមានអាយុប៉ុន្មាន?
២. តើអ្នកកំពុងធ្វើអ្វីដែលខ្លួនមិនចូលចិត្ត?
៣. តើអ្វីដែលអ្នកចូលចិត្ត តែមិនទាន់បានធ្វើ?
៤. តើអ្វីដែលធ្វើឲ្យអ្នកមានមោទនភាព?
៥. តើអ្វីដែលធ្វើឲ្យអ្នកភ័យខ្លាច?
៦. តើអ្វីដែលធ្វើឲ្យអ្នកសប្បាយចិត្ត?
៧. តើអ្នកជាមនុស្សចូលចិត្តដើរលេង ឬនៅម្នាក់ឯង?
៨. តើនរណាជាអ្នកមានគុណបំផុតសម្រាប់អ្នក?
៩. តើអ្នកជឿទុកចិត្តនរណារជាងគេ?
១០. តើអ្នកចង់ផ្លាស់ប្តូរខ្លួនឯងលើចំនុចអ្វីខ្លះ?
១១. តើអ្វីដែលអ្នកពេញចិត្តបំផុតសម្រាប់ខ្លួនឯង?
១២. តើធ្លាប់មានហេតុការណ៍ណាដែលអ្នកចង់ឲ្យមានឳកាសជាលើកទីពីរទេ?
១៣. តើអ្នកស្រលាញ់ ពេញចិត្តខ្លួនឯងឬនៅ?
១៤. តើអ្នកចង់ក្លាយខ្លួនជាប្រភេទមនុស្សបែបណា?
១៥. តើអ្នកចូលចិត្តចំណាយពេលនៅជាមួយនរណា?
១៦. តើមានរឿងអ្វីខ្លះដែលអ្នកគិតថា អ្នកគួរបំភ្លេចវាចោល?
ខ. សំណួរឲ្យស្គាល់ពីចរិយាមាយាទរបស់ខ្លួន
ទង្វើ ការប្រាស្រ័យទាក់ទងរបស់យើងទៅកាន់អ្នកដទៃ ឬទម្លាប់សាមញ្ញៗដូចជាពេលអ្នកក្រោកពីគេងគឺជះឥទ្ធិពលខ្លាំងទៅលើកិច្ចការងារប្រចាំថ្ងៃរបស់អ្នក។ យល់ដឹងពីចរិយាមាយាទរបស់ខ្លួន ជួយឲ្យយើងដឹងថា តើយើងកំពុងមានអារម្មណ៍បែបណា ហេតុអ្វីបានជាមានអារម្មណ៍មួយនេះ ហើយថាតើវាប៉ះពាល់អ្វីទៅដល់ការសម្រេចគោលដៅ និងភាពជោគជ័យរបស់ខ្លួន ហើយយើងគួរជួយខ្លួនឯងដោយវិធីណា?
អ្នកគួរប្រើសំណួរដូចខាងក្រោម៖
១៧. តើអ្នកបង្ហាញពីអារម្មណ៍(ខឹង អស់សង្ឃឹម សេចក្តីសុខ…) របស់អ្នកតាមរបៀបណា ?
១៨. តើទម្លាប់អ្វីដែលអ្នកអាចកាត់ចោលបាន?
១៩. តើអ្នកធ្វើអ្វីពេលដែលអ្នកមិនសប្បាយចិត្ត?
២០. តើអ្នកនឹងធ្វើអ្វីនៅពេលដែលអ្នកជោគជ័យ ឬសប្បាយចិត្ត?
២១. តើអ្នកមានទំនាក់ទនងល្អជាមួយអ្នកដទៃបានល្អកម្រិតណា?
២២. តើអ្នកគេងស្កប់ល្អកំរិតណា?
២៣. តើអ្នកទទួលទានអាហារសុខភាព ហើយទៀងពេលទេ?
២៤. តើអ្នកសមតុល្យការងារ និងជីវិតឯកជនរបស់អ្នកបានកំរិតណាដែរ?
២៥. តើអ្នកចំណាយពេលសម្រាករបស់អ្នកយ៉ាងដូចម្តេច?
២៦ តើសកម្មភាពអ្វីដែលជួយអ្នកបន្ថយភាពតានតឹង?
២៧. តើសកម្មភាពអ្វីដែលធ្វើឲ្យអ្នកព្រួយបារម្ភ មិនពេញចិត្ត?