ថាម៉េច? ស្ងាត់ៗ Suzy បង្ហោះរូបកំពុងពោះធំ ហ្វេនឃើញហើយធ្លាក់ថ្លើមក្តុក!

កូរ៉េខាងត្បូង៖ កាលពីម្សិលមិញនេះ ឈ្មោះរបស់តារាចម្រៀង និងជាតារាសម្តែងស្រីល្បីល្បាញកញ្ញា Suzy បានលោតឡើងលេខ១ នៅលើបណ្តាញសារព័ត៌មានកូរ៉េ ដែលមានអ្នកនិយាយអំពីនាងច្រើនបំផុតក្នុង​ Website Naver បន្ទាប់ពីនាងបានបង្ហោះនូវរូបថត២សន្លឹក នៅលើគណនីអ៉ីនស្តារក្រាមផ្ទាល់ខ្លួនរបស់នាង។

ជាការពិតណាស់ តារាស្រីកំពូលសម្រស់រូបនេះ បានបង្ហោះរូបថតបង្ហាញថានាងកំពុងមានផ្ទៃពោះ ជាមួយនឹងទឹកមុខពោរពេញទៅដោយស្នាមញញឹម ដែលធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំង ដោយមិនដឹងថា Suzy លួចទៅរៀបការមានកូនស្ងាត់ៗតាំងពីពេលណាមកនោះទេ។

ប៉ុន្តែទោះបីជាយ៉ាងណា ក្រោយពី Suzy បានបង្ហោះរូបថតប៉ុន្មានសន្លឹកថ្មីទៀត ទើបដឹងថាតាមពិតទៅនេះគ្រាន់តែជារូបថតឈុតក្រៅឆាក ដែលនាងបានថតខ្សែភាពយន្តថ្មី ដែលមានចំណងជើងថា «Ashfall» តែប៉ុណ្ណោះ ហើយក្នុងនោះផងដែរ នាងបានដើរតួជាភរិយាមានផ្ទៃពោះរបស់មន្រ្តីកងកម្លាំងពិសេសម្នាក់៕