កាណាដា៖ នាយករដ្ឋមន្ត្រីកាណាដាលោក ចាស្ទីន ទ្រីដូវ បាននិយាយកាលពីថ្ងៃសុក្រថា រដ្ឋាភិបាលរបស់លោកនឹងផ្តល់ប្រាក់ឧបត្ថម្ភចំនួន ២៥,០០០ ដុល្លារកាណាដា (១៩,១២២ ដុល្លារអាមេរិក) ដល់ក្រុមគ្រួសារនៃជនរងគ្រោះសញ្ជាតិកាណាដា ៥៧ នាក់ និងអ្នករស់នៅអចិន្ត្រៃយ៍ចំនួន ២៩ នាក់នៅក្នុងប្រទេសកាណាដា ដែលបានស្លាប់ដោយសារឧបទ្ទវហេតុធ្លាក់យន្តហោះដឹកអ្នកដំណើរអ៊ុយក្រែននៅអ៊ីរ៉ង់កាលពីសប្តាហ៍មុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក ទ្រីដូវ បាននិយាយថា៖
លោកនៅតែរំពឹងថា អ៊ីរ៉ង់នឹងផ្តល់សំណងដល់ក្រុមគ្រួសារសព ប៉ុន្តែអ្វីដែលសំខាន់នៅពេលនេះគឺក្រុមគ្រួសារនៃជនរងគ្រោះត្រូវការជំនួយសម្រាប់ធ្វើពិធីបុណ្យសព ឬការចំណាយផ្សេងៗ។
លោកបានបន្ថែមទៀតថា
ប្រាក់សំណងដែលអ៊ីរ៉ង់ផ្តល់ឱ្យនៅពេលក្រោយ យើងនឹងប្រគល់ជូនដល់ក្រុមគ្រួសារនៃជនរងគ្រោះដោយផ្ទាល់។ ខ្ញុំចង់និយាយឱ្យកាន់តែច្បាស់ថា អ៊ីរ៉ង់ត្រូវតែទទួលខុសត្រូវទាំងស្រុង ចំពោះការបាញ់ទម្លាក់ យន្តហោះដឹកអ្នកដំណើរអ៊ុយក្រែនដែលសម្លាប់មនុស្ស ១៧៦ នាក់។
លោកនាយករដ្ឋមន្រ្តីក៏បានលើកឡើងផងដែរថា៖
ប្រអប់ខ្មៅរបស់យន្ដហោះនោះ ត្រូវរងការខូចខាតយ៉ាងខ្លាំង ហើយប្រទេសអ៊ីរ៉ង់ក៏មិនមានជំនាញ ឬឧបករណ៍អ្វីដែលអាចពិនិត្យមើលវាដែរ ប៉ុន្តែប្រទេសបារាំងមានបន្ទប់ពិសោធន៍ដែលអាចពិនិត្យវាបាន ហើយចាំបាច់ណាស់គឺយើងត្រូវតែធ្វើវាឱ្យបានឆាប់រហ័សបំផុត។
ការប្រកាសនេះត្រូវបានធ្វើឡើង បន្ទាប់ពីប្រទេសអ៊ីរ៉ង់បានសារភាពកាលពីសប្តាហ៍មុនថា យោធារបស់ខ្លួនបានបាញ់ទម្លាក់យន្ដហោះរបស់ក្រុមហ៊ុនអាកាសចរណ៍អន្តរជាតិអ៊ុយក្រែនភ្លាមៗ បន្ទាប់ពីយន្តហោះរបស់ក្រុមហ៊ុនអាកាស
ចរណ៍នេះ ចេញដំណើរបានតែបន្តិចកាលថ្ងៃទី ៨ ខែមករានៅអាកាសយានដ្ឋាន Imam Khomeini ក្បែរទីក្រុងតេហេរ៉ង់៕
Bong I.T