ត្បូងឃ្មុំ៖ មុននេះបន្តិចមានការផ្សព្វផ្សាយព្រោងព្រាតពេញបណ្តាញសង្គមហ្វេសប៊ុក ក្រោយសិស្សវិទ្យាល័យក្រូចឆ្មារ ខេត្តត្បូងឃ្មុំ ២៦នាក់ អង្គុយរៀនសុខៗក៏សន្លប់ជាបន្តបន្ទាប់ ត្រូវបានបញ្ជូនទៅមន្ទីរពេទ្យភ្លាមៗ យ៉ាងគួរឲ្យព្រួយបារម្ភយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍នេះបានកើតឡើងនៅខេត្តត្បូងឃ្មុំ នៅក្នុងសាលារៀន ដែលមានសិស្សជាច្រើននៅក្នុងនោះ កំពុងតែអង្គុយរៀនសុខៗបែរជាមានអាការមិនស្រួលខ្លួន ដួលសន្លប់នៅនឹងសាលាតែម្តង បន្ទាប់មកទៀតក៏មានការសន្លប់ជាបន្តបន្ទាប់ទៀត ខណៈពេលដែលមិនទាន់ដឹងតម្រុយថាមកពីអ្វីឲ្យពិតប្រាកដនោះឡើង។
យ៉ាងណាមិញ គេត្រូវបានដឹងថាហេតុការណ៍ទាំងនេះ បានកើតឡើងតាំងពីម្សិលមិញមកម្ល៉េះ ដែលមានសិស្ស១២នាក់បានសន្លប់ និងបានបញ្ជូនទៅមន្ទីរពេទ្យភ្លាមៗ ដោយមិនប៉ះពាល់ដល់ជីវិតនោះទេ។ មកទល់នឹងពេលនេះក៏ស្រាប់តែមានការកើនឡើងបន្ថែមទៀតនៅព្រឹកនេះ ធ្វើឲ្យមហាជនក៏ដូចជាអ្នកនៅម្តុំនោះ ពិតជាព្រួយបារម្ភយ៉ាងខ្លាំង។
ជាមួយគ្នានេះដែរ កម្លាំងជំនាញកំពុងតែធ្វើការស្វែងរកមូលហេតុ ដែលធ្វើឲ្យក្មេងៗទាំងនោះមានអាការដូចៗគ្នាជាច្រើននាក់ជាបន្តបន្ទាប់យ៉ាងដូច្នោះ៕
សូមទស្សនារូបភាពខាងក្រោមនេះ៖