អង់គ្លេស៖ អតីតជម្រើសជាតិអង់គ្លេស Ashley Young បានសម្រេចកិច្ចព្រមព្រៀងផ្ទេរពី Manchester United ទៅចូលរួមជាមួយក្រុមយក្សអ៊ីតាលី Inter Milan ក្នុងកិច្ចសន្យារយៈពេល៦ខែ ជាមួយនឹងជម្រើសបន្ថែម១ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកិច្ចពិភាក្សារវាងក្លិបទាំងពីរបានឈានដល់កិច្ចព្រមព្រៀងកាលពីថ្ងៃព្រហស្បតិ៍ ដោយ Inter យល់ព្រមចាយលុយ ១,៣លានផោន (ឬប្រមាណ ១,៥លានដុល្លារ) បូករួមជាមួយប្រាក់បន្ថែមលើកទឹកចិត្តជាច្រើនទៀតសម្រាប់ Young។
អតីតប្រធានក្រុម Man UTD រូបនេះ បានធ្វើដំណើរទៅទីក្រុង Milan ដើម្បីធ្វើតេស្តសុខភាពកាលពីថ្ងៃសុក្រ មុនប្រកាសជាផ្លូវការជុំវិញការផ្ទេរគាត់មកកាន់កីឡដ្ឋាន San Siro។
Young ជាកីឡាករទី៣ហើយ របស់ក្រុមបិសាចក្រហម ដែលបានចុះកុងត្រាចូលរួមជាមួយ Inter ក្រោមការដឹកនាំរបស់លោក Antonio Conte បន្ទាប់ពីគ្រូបង្វឹកសញ្ជាតិអ៊ីតាលីរូបបានយកបានកីឡាករ Alexis Sanchez (លក្ខខណ្ឌខ្ចីជើង) និងខ្សែប្រយុទ្ធ Romelu Lukaku កាលពីរដូវក្ដៅឆ្នាំមុន។
ខ្សែការពារស្លាបវ័យ៣៤ឆ្នាំ បានច្រានចោលសំណើរបស់ Man UTD ជុំវិញការបន្តកុងត្រាថ្មី បន្ទាប់ពីចំណាយពេលអស់៨ឆ្នាំកន្លះជាមួយក្រុមបិសាចក្រហម ដោយការសម្រេចចិត្តចាកចេញនេះ ដោយសាររូបគេហាក់មិនស្ថិតក្នុងគម្រោងរបស់លោក Ole Gunnar Solskjaer។ ដូច្នេះការទៅចូលរួមជាមួយ Inter អាចជាការស្វែងរកឱកាសចូលលេងបានច្រើនជាងមុន។
ជាក់ស្ដែងក្នុងរដូវកាលនេះ រូបគេបង្ហាញខ្លួនបាន១៨ប្រកួតគិតរាល់កម្មវិធីទាំងអស់ តែបើក្រឡេកមើលក្នុងក្របខណ្ឌ Premier League វិញរូបគេមានឱកាសចូលលេងបាន១០ប្រកួតប៉ុណ្ណោះ។
យ៉ាងណា Young ក៏បានអរគុណទៅដល់ Man UTD ដោយបានសរសេររៀបរាប់លើបណ្ដាញសង្គមថា៖
ជាមួយគ្នានេះ គាត់ក៏បានអរគុណទៅដល់អ្នកគាំទ្រក្រុមបិសាចក្រហមថា៖
គួរឲ្យដឹងដែរថា Young ចាកចេញពី Aston Villa មកចូលរួមជាមួយក្រុមបិសាចក្រហម តាំងពីខែមិថុនា ឆ្នាំ២០១១ មកម៉្លេះ។ គិតមកទល់ពេលនេះ រូបគេបង្ហាញខ្លួនបាន២៦១ប្រកួត ស៊ុតបញ្ចូលទីបាន១៩គ្រាប់៕
ប្រភព៖ skysports